Шведка Брорсан перамагла ў спрынце ў Раўбічах, Крыўко - 11-я

© Sputnik / Виктор ТолочкоШведская біятланістка Мона Брорсан
Шведская біятланістка Мона Брорсан - Sputnik Беларусь
Падпісацца
Лепшай сярод беларускіх біятланістак у гэтай гонцы стала Ірына Крыўко.

МІНСК, 23 лют - Sputnik. Спрынтарская гонка на чэмпіянаце Еўропы ў Раўбічах завяршылася перамогай шведскай біятланісткі Моны Брорсан з вынікам 19 хвілін 37,4 секунд без адзінага промаху на агнявых рубяжах. Беларуская спартсменка Ірына Крыўко прыйшла да фінішу адзінаццатай.

Другое месца ў спрынце заняла Кацярына Юрлова-Перхт з Расіі - 37,5 секунды (0 + 1). Бронзавым прызёрам стала Ханна Эберг з Швецыі - 45,6 секунды (0 + 2).

© Sputnik / Виктор ТолочкоУзнагароджанне прызёраў спрынту
Шведка Брорсан перамагла ў спрынце ў Раўбічах, Крыўко - 11-я - Sputnik Беларусь
Узнагароджанне прызёраў спрынту

Беларуская біятланістка Дынара Алімбекава фінішавала 20-й - +1: 38,4 секунды (1 + 1), Алена Кручынкіна - 42-ая - +2: 23,9 секунды (1 + 2), Дар'я Юркевіч - 46-ая - + 2: 31,1 секунды (0 + 1).

Нагадаем, у скарбонцы зборнай Беларусі ўжо два медалі - абодва бронзавыя. Ірына Крыўко стала трэцяй у "індывідуалцы", а Дынара Алімбекава, Ганна Сола, Раман Ялетнаў і Сяргей Бачарнікаў - у міксце.

Раней у суботу ў Раўбічах адбылася мужчынская спрынтарская гонка. Перамогу ў ёй святкаваў нарвежац Тар'ей Бё, а беларус Сяргей Бачарнікаў заняў пятае месца.

Sputnik вёў тэкставую анлайн-трансляцыю спрынтарскіх гонак у Раўбічах.

Стужка навiн
0