Карпенка паабяцаў, што апрацоўка вынікаў ЦТ будзе больш празрыстай

© Sputnik / Александр Кряжев / Перайсці ў медыябанкКарпенка паабяцаў, што апрацоўка вынікаў ЦТ будзе больш празрыстай
Карпенка паабяцаў, што апрацоўка вынікаў ЦТ будзе больш празрыстай - Sputnik Беларусь
Падпісацца
У бліжэйшы час у рэспубліцы не плануецца штосьці змяняць у парадку арганізацыі і правядзення ЦТ.

МІНСК, 25 лют - Sputnik. Працэдура апрацоўкі вынікаў цэнтралізаванага тэсціравання стане больш адкрытай і празрыстай, паведаміў у панядзелак у Мінску міністр адукацыі Беларусі Ігар Карпенка.

Паводле яго слоў, у бліжэйшы час у рэспубліцы не плануецца штосьці змяняць у парадку арганізацыі і правядзення ЦТ - тэсціраванне абітурыенты будуць праходзіць па звыклай схеме.

Праца прыёмнай камісіі - Sputnik Беларусь
РІКВ: прахадныя балы у 2019 годзе могуць павялічыцца

Міністр нагадаў, што на ЦТ змянілася сістэма падліку балаў: у бягучым годзе можна вызначыць і рэйтынг абітурыента, і параўнаць балы на ЦТ з адзнакамі, атрыманымі ў школе.

"Працэдура апрацоўкі вынікаў ЦТ стане больш адкрытай і празрыстай. Абітурыенты на аснове размешчанай у адкрытым доступе інфармацыі аб першасных балах змогуць прагназаваць свой вынік", - паабяцаў Карпенка, словы якога прыводзіць БелТА.

Міністр таксама агучыў некаторыя новаўвядзенні ў ЦТ: з 2020 года зарэгістраваць абітурыента для ўдзелу ў ЦТ змогуць яго прадстаўнікі, а замест арыгінала дакумента, які сведчыць аб асобе, можна будзе прад'явіць яго копію.

Стужка навiн
0