Напэўна, шмат каму цікава, што адбываецца з мыльнымі бурбалкамі на марозе. Яны адразу ж лопаюцца ад холаду ці, наадварот, замярзаюць і ператвараюцца ў ледзяныя шарыкі? Адказ на гэтае пытанне можна атрымаць, паглядзеўшы відэа.
Аўтар роліка і паказаў, як паводзяць сябе мыльныя бурбалкі пры мінусовай тэмпературы. Ён быў зняты на світанні ў штаце Невада, пры гэтым тэмпература паветра была ўсяго мінус 3 градусы. У роліку бачна, як бурбалка, лежачы на снезе, пачынае паступова пакрывацца лёдам. Выглядае гэта па-сапраўднаму зачаравальна. А калі не ведаць законаў фізікі, можна і зусім падумаць, што адбываецца за цуд.
