МІНСК, 3 сак - Sputnik. Беларуска Вікторыя Азаранка зноў стала ўладальніцай тытула Жаночай тэніснай асацыяцыі (WTA). Яна і кітаянка Чжэн Сайсай сталі пераможцамі турніру ў Акапулька ў парным разрадзе. Прызавы фонд гэтых спаборніцтваў - 250 тысяч долараў.
У фінальным паядынку беларуска-кітайскі дуэт аказаўся мацней за амерыкана-мексіканскую пару Дэзірэ Краўчык (ЗША) / Джуліяна Олмас (Мексіка) - 6:1, 6:2.
Для Азаранкі гэты тытул стаў першым з таго моманту, як яна нарадзіла сына. Беларуска прызналася пасля матчу, што правяла на гэтым турніры выдатны тыдзень.
"Я рада, што стаю тут з трафеем. Гэта мой першы тытул з тых часоў, як я стала мамай, так што ён асаблівы", - цытуе словы Азаранкі WTA Tennis.
У адзіночным разрадзе турніру WTA ў Акапулька беларуска здолела дабрацца толькі да трэцяга круга, дзе выбыла з барацьбы пасля матчу з амерыканкай Сафіяй Кенін.
