Арганізатары "Еўрабачання" прыпынілі продаж квіткоў

© Photo : EBUЛагатып Еўрабачання -2019
Лагатып Еўрабачання -2019 - Sputnik Беларусь
Падпісацца
Прадаваць квіткі часова перасталі з-за таго, што лепшыя месцы ў зале для гледачоў былі распрададзеныя "па блаце" сярод мясцовых знакамітасцяў.

МІНСК, 4 сак - Sputnik. Продаж квіткоў на міжнародны конкурс "Еўрабачанне" ў Тэль-Авіве прыпынены, пра гэта паведаміла ізраільская тэлерадыёкарпарацыя Kan, адказная за правядзенне мерапрыемства.

Галоўны прыз конкурсу Еўрабачанне - Sputnik Беларусь
Квіткі на "Еўрабачанне-2019" паступілі ў продаж

Паведамляецца, што арганізатары конкурсу прыпынілі продаж квіткоў у сувязі з тым, што лепшыя месцы ў зале для гледачоў былі распрададзеныя "па блаце" сярод тутэйшых знакамітасцяў. "Кан" верне квіткі ў продаж, калі парушэнні пацвердзяцца пасля расследавання.

"Карпарацыя распарадзілася ... прыпыніць продаж. Гэта было зроблена з боязі, што сотні білетаў коштам у сотні тысяч шэкеляў на лепшыя месцы ў зале былі прададзеныя высокапастаўленым прадстаўнікам медыя і спартыўных структур замест таго, каб быць прапанаванымі шырокай публіцы", - гаворыцца ў паведамленні.

Не так даўно міністр унутранай бяспекі Ізраіля Гілад Эрдал даручыў спыняць любыя спробы спекуляваць квіткамі на песенны конкурс на другасным рынку.

"Недапушчальна, каб святочная падзея, за якой будзе сачыць увесь свет, ператварылася ў інструмент у руках злачынцаў", - цытуе яго карпарацыя Kan.

Конкурс "Еўрабачанне-2019" будзе праходзіць у Ізраілі з 14 па 18 мая, за перамогу ў ім будуць змагацца прадстаўнікі з 41 краіны свету.

Стужка навiн
0