На ўсялякі выпадак: Нідэрланды ўжо маюць план правядзення "Еўрабачання-2020"

© Photo : AVROTROSСпявак Дункан Лоўрэнс (Duncan Laurence)
Спявак Дункан Лоўрэнс (Duncan Laurence) - Sputnik Беларусь
Падпісацца
Сёння прадстаўніка Нідэрландаў на шоу - маладога спевака Дункана Лоўрэнса - шмат хто называе галоўным фаварытам "Еўрабачання".

МІНСК, 21 сак - Sputnik. Нідэрланды ўжо маюць гатовы план правядзення "Еўрабачання" ў 2020 годзе на выпадак перамогі прадстаўніка краіны ў шоу ў гэтым годзе, заявілі прадстаўнікі аб'яднання грамадскіх вяшчальнікаў краіны.

Спявак Сяргей Лазараў - Sputnik Беларусь
Букмекеры павышаюць шанцы Лазарава на перамогу ў "Еўрабачанні"

"Еўрабачанне-2019" пройдзе ў маі ў Тэль-Авіве. Традыцыйна краіна-пераможца атрымлівае права праводзіць шоу ў адным са сваіх гарадоў. Ужо за два месяцы да правядзення шоу адна з краін - Нідэрланды - дакладна мае план дзеянняў на выпадак сваёй перамогі.

Як паведаміў RTL Nieuws прадстаўнік аб'яднання грамадскіх вяшчальнікаў Нідэрландаў, "у стале" план арганізацыі "Еўрабачання" ляжыць ужо некалькі гадоў. Працаваць з ім, аднак, будуць толькі ў выпадку перамогі.

Адзінае нявырашанае пытанне - фінансаванне конкурсу ў выпадку яго правядзення ў Нідэрландах. Справа ў складанай структуры грамадскага тэлебачання краіны, аднак яны гатовыя да перамоваў з Еўрапейскім вяшчальным саюзам (ЕВС).

Сёння менавіта прадстаўніка Нідэрландаў Дункана Лоўрэнса букмекеры называюць галоўным фаварытам "Еўрабачання-2019". Калі ён пераможа ў шоу, то гэта стане пятым поспехам Нідэрландаў на конкурсе з моманту яго заснавання. Апошні раз на тэрыторыі каралеўства шоу праходзіла ў 1980 годзе.

Стужка навiн
0