Маскалькова запыталася ў Вышынскага, ці трэба нешта перадаць яго родным, у адказ ён сказаў: "Усё добра, Таццяна Мікалаеўна. Трымаемся".
Амбудсмен прыехала на суд у Кіеў, каб даведацца, ці не парушаюцца правы Вышынскага, а таксама ацаніць яго маральны і фізічны стан. У СІЗА, дзе ўтрымліваецца журналіст, доступу ёй няма.
Маскалькова адзначыла, што задаволена вынікамі сённяшняга пасяджэння суда па справе Вышынскага. Журналісту дазволілі прымаць удзел у пасяджэнні разам з адвакатамі і адмянілі "клетку". Таксама суд прыняў рашэнне разгледзець апеляцыйную інстанцыю ў пашыраным складзе. Па словах амбудсмена, гэта станоўчыя фактары.
Вышынскага ўзялі пад варту ў Кіеве 15 мая мінулага года: яго падазраюць у падтрымцы самаабвешчаных ДНР і ЛНР, а таксама дзяржаўнай здрадзе. На адным з пасяджэнняў журналіст звярнуўся па дапамогу да расійскага прэзідэнта Уладзіміра Пуціна і паведаміў, што адмаўляецца ад украінскага грамадзянства. Масква накіравала Кіеву некалькі нотаў пратэсту, запатрабаваўшы спыніць гвалт над прадстаўнікамі СМІ. Пуцін назваў сітуацыю, якая склалася ў сувязі з арыштам журналіста, беспрэцэдэнтнай.
Дзеянні ўкраінскіх уладаў у "справе Вышынскага" асудзілі ў АБСЕ: у арганізацыі неаднаразова заклікалі вызваліць журналіста з-пад арышту.
