Пуціну спадабалася бульба, якую прывёз Лукашэнка да Новага года

© PixabayДранікі
Дранікі - Sputnik Беларусь
Падпісацца
Прэс-сакратар расійскага лідара не ўдакладніў, якія менавіта стравы з беларускай бульбы гатавалі для Пуціна.

МІНСК, 6 кра - Sputnik. Прэзідэнту Расіі Уладзіміру Пуціну спадабалася бульба, якую прывёз да Новага года ў Маскву беларускі лідар Аляксандр Лукашэнка, паведаміў прэс-сакратар кіраўніка РФ Дзмітрый Пяскоў у сюжэце, паказаным у эфіры тэлеканала СТБ.

Сарочку рабілі прамой, без усялякіх вытачак, непрыталенай і яна падпяразвалася поясам - Sputnik Беларусь
Не толькі дранікі: як скарыстаць бульбу у гаспадарцы і пры чым тут вышыванка

Сустрэча прэзідэнтаў адбылася ў расійскай сталіцы напярэдадні новага 2019-га года - 29 снежня. На ёй Лукашэнка і Пуцін абмеркавалі падатковы манеўр, а таксама пытанні інтэграцыі Беларусі і Расіі ў рамках Саюзнай дзяржавы. Тады ж лідары дзвюх краін абмяняліся падарункамі. Паводле інфармацыі прэс-сакратара Лукашэнкі Наталлі Эйсмант, кіраўнік дзяржавы прывёз у падарунак расійскаму калегу чатыры мяшка элітнай беларускай бульбы і сала.

На пытанне, ці спадабалася прэзідэнту Пуціну тая бульба, якую яму Лукашэнка падарыў на Новы год, Пяскоў адказаў станоўча.

"Вядома, бульба ў Беларусі вельмі смачная, і, уласна, такі традыцыйны абмен падарункамі адбываецца рэгулярна", - сказаў ён.

Пры гэтым Пяскоў не змог адказаць, якія менавіта стравы былі прыгатаваныя з беларускай бульбы для прэзідэнта РФ.

"Гэтага я не ведаю. Я ў хатняй кухні прэзідэнта, у прамым сэнсе гэтага слова, не ўдзельнічаю", - удакладніў прэс-сакратар.

Вядома, што сярод гатункаў бульбы, які прывёз у Маскву Лукашэнка, былі "Вектар", "Рубін" і "Маніфест".

Чытайце таксама:

Стужка навiн
0