Брэст адсвяткаваў Дзень Перамогі ў Вялікай Айчыннай вайне, ад самай раніцы жыхары горада сталі сцягвацца ў цэнтр горада, адкуль калонамі рушылі да Брэсцкай крэпасці-героя, у калонах - работнікі гарадскіх прадпрыемстваў, школьнікі. Вельмі шматлікай была калона ўдзельнікаў акцыі "Беларусь памятае".
Берасцейцы з партрэтамі сваякоў, якія ваявалі, ахвотна дзяліліся сваімі ваеннымі сямейнымі гісторыямі, паведаміла з месца падзей карэспандэнт Sputnik Алена Васільева.
"Многія з удзельнікаў акцыі ведаюць гісторыю сваякоў па расказах дзядуляў і бабуль, некаторыя з іх літаральна са слязамі на вачах дзяліліся гісторыямі сваіх блізкіх. Асабліва запомніўся 92-гадовы чалавек з партрэтам свайго старэйшага брата, які загінуў у 1944 годзе, не гледзячы на шаноўны ўзрост, ён штогод прымае ўдзел у святочных мерапрыемствах і разам з больш маладымі ўдзельнікамі ходзіць у Брэсцкую крэпасць", - распавядае Васільева.
Пра тое, што шэсце "Бяссмяротнага палка" стала самай кранальнай часткай святкавання 9 мая, расказвалі і журналісты Sputnik ў іншых абласных цэнтрах. Так, па словах карэспандэнта ў Гродне Іны Грышук, там "Бессмяротны полк" апынуўся незапланаванай часткай парада.
Каментар карэспандэнта Sputnik Алены Васільевай слухайце ў аўдыёзапісе на радыё Sputnik Беларусь.
