Частку некропаля ў Гродне прызнаюць гісторыка-культурнай каштоўнасцю

© Sputnik / Инна ГришукНекропаль у Гродне
Некропаль у Гродне - Sputnik Беларусь
Падпісацца
Самыя старыя ў краіне камунальная могілкі - так званы гродзенскі некропаль - уваходзіць у дзясятку самых наведвальных турыстамі аб'ектаў у горадзе.

Як беларус адзін аблічбоўвае найстарэйшыя могілкі краіны - Sputnik Беларусь
Як беларус адзін аблічбоўвае найстарэйшыя могілкі краіны
ГРОДНА, 27 чэр - Sputnik, Іна Грышук. Частка самых старых камунальных могілак Беларусі, Гродзенскі некропаль, хутка атрымае статус гісторыка-культурнай каштоўнасці, гэтае пытанне абмеркавалі на абласным савеце па ахове гісторыка-культурнай спадчыны.

На савеце было прынята рашэнне распачаць працу па захаванні комплексу пахаванняў, размешчанага на вуліцах Антонава і Прыгарадная. Таму была прынята прапанова ўпраўлення культуры аблвыканкама і Гродзенскага гісторыка-археалагічнага музея аб наданні могілкам статусу гісторыка-культурнай каштоўнасці.

Як адзначыла начальнік упраўлення Алена Клімовіч, пакуль нельга казаць, што гродзенскі некропаль атрымаў такі статус - паводле Кодэкса аб культуры пасля рашэння савета павінна быць прынята рашэнне Гродзенскага аблвыканкама.

© Sputnik / Инна ГришукТут пахаваны вядомы ў Гродне купец Мураўёў, дом якога знаходзіцца на Савецкай плошчы
Частку некропаля ў Гродне прызнаюць гісторыка-культурнай каштоўнасцю - Sputnik Беларусь
Тут пахаваны вядомы ў Гродне купец Мураўёў, дом якога знаходзіцца на Савецкай плошчы

"Толькі пасля гэтага мы зможам казаць, што комплексу пахаванняў у колькасці дзесяці магіл будзе прадастаўлены статус гісторыка-культурнай каштоўнасці, які потым будзе папаўняцца", - паведаміла Клімовіч.

Каб любы аб'ект старадаўняга некропаля змог прэтэндаваць на такі статус, павінна быць праведзена вялікая праца. Напрыклад, неабходна падрыхтаваць гістарычную даведку, абгрунтаванне, зрабіць мастацка апісанне, навуковае даследаванне. Па дзесяці аб'ектах дадзеную працу правёў гісторыка-археалагічны музей.

© Sputnik / Инна ГришукНекаторыя турысты прыязджаюць у Гродзенскі некропаль, каб наведаць магілу Элізы Ажэшка
Частку некропаля ў Гродне прызнаюць гісторыка-культурнай каштоўнасцю - Sputnik Беларусь
Некаторыя турысты прыязджаюць у Гродзенскі некропаль, каб наведаць магілу Элізы Ажэшка

Такім чынам, у бліжэйшы час статус гісторыка-культурнай каштоўнасці на Гродзенскім некропалі атрымаюць магілы і чорныя помнікі вядомых у Гродна і Беларусі людзей. Гэта магіла Элізы Ажэшкі і яе мужа Станіслава Нагорскага, маці паэта Максіма Багдановіча - Марыі Апанасаўны Багдановіч, магілы сям'і Керамскіх, сям'і Мураўёвых, магіла Волкава, сям'і Шумавых і Верчыка, Шырмы, Жукоўскай, Кандратовіч. Гэта значыць, што зараз за захаваннем гэтых надмагілляў будзе сачыць дзяржава.

© Sputnik / Инна ГришукМногія надмагіллі, у тым ліку і Тэклі Галенбоўскай, - сапраўдныя творы мастацтва
Частку некропаля ў Гродне прызнаюць гісторыка-культурнай каштоўнасцю - Sputnik Беларусь
Многія надмагіллі, у тым ліку і Тэклі Галенбоўскай, - сапраўдныя творы мастацтва

Гродзенскі некропаль лічыцца самымі старымі камунальнымі могілкамі Беларусі. Яго адкрылі вясной 1792 года як гарадскія грамадскія каталіцкія могілкі, праз 100 гадоў тут пачалі хаваць і праваслаўных. Да гэтага часу тут працягваюць хаваць памерлых. Некропаль падзелены на дзве часткі - каталіцкую і праваслаўную, якія аб'яднаны ў адзіны комплекс. Часта Гродзенскі некропаль называюць Фарнымі або Старымі могілкамі.

© Sputnik / Инна ГришукПакуль статус гісторыка-культурнай спадчыны атрымаюць дзесяць магіл старадаўняга некропаля
Частку некропаля ў Гродне прызнаюць гісторыка-культурнай каштоўнасцю - Sputnik Беларусь
Пакуль статус гісторыка-культурнай спадчыны атрымаюць дзесяць магіл старадаўняга некропаля

Гродзенскі некропаль уваходзіць у дзясятку самых папулярных турыстычных аб'ектаў горада. Ён цікавы тым, то тут можна сустрэць нашмат больш цікавых архітэктурных формаў, чым у самім Гродна. Напрыклад, ёсць надмагіллі ў стылі рамантызму, эклектыкі, канструктывізму. Тутэйшыя помнікі заможныя гродзенцы заказвалі ля самых вядомых майстроў Еўропы.

Стужка навiн
0