Макей з сынам прыехаў у Наваградак на адкрыццё мемарыяла уцекачам з гета

© Sputnik / Виктор ТолочкоУладзімір Макей прыняў удзел у мемарыяльных урачыстасцях у Наваградку
Уладзімір Макей прыняў удзел у мемарыяльных урачыстасцях у Наваградку - Sputnik Беларусь
На адкрыццё помніка прыехалі таксама прадстаўнікі саветніка і зяця прэзыдэнта Трампа Джарэда Кушнера, дзеці і ўнукі братоў Бельскіх, якія арганізавалі ў вайну яўрэйскі партызанскі атрад.

Міністр замежных спраў Уладзімір Макей з сынам Арцёмам узялі ўдзел у памятных мерапрыемствах, прысвечаных гадавіне вызвалення Наваградка ад нямецка-фашысцкіх захопнікаў - мітынгу ў цэнтры горада, а таксама адкрыцці Мемарыяльнай сцяны ля Музея яўрэйскага супраціўлення, прысвечанай уцёкам яўрэяў з Наваградскага гета ў верасні 1943 года.

Не толькі ахвяры, але і героі

Міністр прызнаўся, што не мог абыйсці гэтыя мерапрыемствы, паколькі Наваградскі раён суседнічае з яго родным Карэліцкім раёнам.

"Карэлічы і Наваградак, гэта ўсё мая малая радзіма, я не мог абыйсці ўвагай гэту знамянальную падзею, як і дзень вызвалення малой радзімы ад нямецка-фашысцкіх захопнікаў. І другое вельмі важнае мерапрыемства, тое, што зараз будзе адкрыта Сцяна памяці, прысвечаная ўнікальнай падзеі - уцёкам велізарнай колькасці яўрэяў з Наваградскага гета, яўрэяў, якія затым актыўна ўдзельнічалі ў партызанскай барацьбе", - сказаў Макей у інтэрв'ю Sputnik.

© Sputnik / Виктор ТолочкоУладзімір Макей прыехаў на адкрыццё мемарыяла разам з сынам Арцёмам
Макей з сынам прыехаў у Наваградак на адкрыццё мемарыяла уцекачам з гета - Sputnik Беларусь
Уладзімір Макей прыехаў на адкрыццё мемарыяла разам з сынам Арцёмам

Паводле яго слоў, уцёкі з гета і гісторыя партызанаў Бельскіх кажуць пра тое, што Беларусь - гэта зямля, якой павінны ганарыцца. Гэта была зямля не толькі для спакойнай мірнага жыцця, тут жылі людзі, якія калі спатрэбілася, бралі зброю ў рукі і абаранялі сваю зямлю з усёй адказнасцю.

"Яўрэі асацыююцца з Халакостам, трагедыяй, а на самай справе яны таксама змагаліся, і ў асноўным гэта адбывалася на беларускай зямлі. Гэта сведчыць пра многае", - сказаў Макей.

Міністр прызнаўся, што ў часы свайго дзяцінства не ведаў гісторыю атрада Бельскіх. Пачуў пра яе ўжо ў дарослым жыцці.

"Цяпер шматлікія гістарычныя моманты толькі пачынаюць адкрывацца. Таму я не выключаю, што мы ў перспектыве ўбачым і пачуем многае, звязанае з нашай слаўнай, гераічнай гісторыяй - гісторыяй Беларусі", - адзначыў кіраўнік МЗС.

© Sputnik / Виктор ТолочкоТамара Вяршыцкая правяла для Уладзіміра Макея невялікую экскурсію
Макей з сынам прыехаў у Наваградак на адкрыццё мемарыяла уцекачам з гета - Sputnik Беларусь
Тамара Вяршыцкая правяла для Уладзіміра Макея невялікую экскурсію

Не расказвалі нават блізкім

Для Уладзіміра і Арцёма Макеяў правялі невялікую экскурсію па Музею яўрэйскага супраціўлення. Стваральнік і былы дырэктар музея Тамара Вяршыцкая распавяла, што экспазіцыя з'явілася дзякуючы былому вязню гета Джэку Кагану. Той ужо цяперашнім чалавекам сталага ўзросту вярнуўся ў Наваградак і распавёў, што тут адбывалася падчас вайны. Экспазіцыю адкрылі толькі ў 2007-м.

"Яму было 13-14 гадоў, ён адзіны, хто застаўся ў жывых з сям'і. На маю думку, ён выжыў, для таго, каб захаваць гэтую гісторыю для нас, таму што людзі, якія гэтую гісторыю перажылі, з'ехалі і многія гады маўчалі. Не казалі нават сваім дзецям", - распавяла Вяршыцкая.

© Sputnik / Виктор ТолочкоУ мемарыяльных мерапрыемствах прынялі ўдзел кіраўнікі дыпмісій Вялікабрытаніі і ЗША
Макей з сынам прыехаў у Наваградак на адкрыццё мемарыяла уцекачам з гета - Sputnik Беларусь
У мемарыяльных мерапрыемствах прынялі ўдзел кіраўнікі дыпмісій Вялікабрытаніі і ЗША

З 6 тысяч наваградскіх яўрэяў, якія жылі тут на пачатку вайны, да лета 1943 года ў жывых засталося 250 чалавек. Яны вырашылі бегчы. Усё лета капалі тунэль, а сысці змаглі ў верасні пад яўрэйскі новы год. Немцы, выявіўшы, што баракі пустыя, арганізавалі пагоню. Частку людзей нагналі і забілі... Але дзве траціны ўцекачоў змаглі выратавацца і сышлі ў партызаны да братоў Бельскіх. Гэтым адзіным у сваім родзе ўдалым уцёкам яўрэяў з гета прысвечаны мемарыял, які адкрылі сёння ў Наваградку.

© Sputnik / Виктор ТолочкоУладзімір Макей выказаў упэўненасць, што многае, звязанае з гісторыяй Радзімы нам яшчэ трэба будзе адкрыць
Макей з сынам прыехаў у Наваградак на адкрыццё мемарыяла уцекачам з гета - Sputnik Беларусь
Уладзімір Макей выказаў упэўненасць, што многае, звязанае з гісторыяй Радзімы нам яшчэ трэба будзе адкрыць

На цырымоніі адкрыцця, акрамя міністра замежных спраў Беларусі, раённых уладаў і мясцовых жыхароў, прысутнічалі дзеці і ўнукі братоў Бельскіх, у тым ліку малодшы з Бельскіх Арон, а таксама родныя яўрэяў, якія беглі з гета, і партызан.

© Sputnik / Виктор ТолочкоЛегендарны партызан Арон Бельскі прыехаў на адкрыццё Мемарыяльнай сцяны каля Музея яўрэйскага супраціўлення
Макей з сынам прыехаў у Наваградак на адкрыццё мемарыяла уцекачам з гета - Sputnik Беларусь
Легендарны партызан Арон Бельскі прыехаў на адкрыццё Мемарыяльнай сцяны каля Музея яўрэйскага супраціўлення

Прыехалі ў Наваградак і прадстаўнікі сям'і Кушнер. Адзін з Кушнер - памочнік прэзідэнта ЗША і зяць Дональда Трампа - Джарэд Кушнер некалькі гадоў таму расказаў усяму свету беларускую гісторыю сям'і - пра трагедыю ў гета, уцёкі і супраціўленне разам з партызанамі з атрада Бельскіх.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі