МІНСК, 27 жні - Sputnik. Тарыфная стаўка першага разраду будзе павышана ў Беларусі да 41 рубля, заявіў у аўторак журналістам першы віцэ-прэм'ер Аляксандр Турчын.
Тарыфная стаўка першага разраду ўплывае на памер заробкаў бюджэтнікаў, а таксама работнікаў іншых арганізацый, якія атрымліваюць субсідыі, і прыраўноўваецца па аплаце працы да бюджэтных.
Як паведаміў пасля даклада кіраўніку дзяржавы віцэ-прэм'ер Аляксандр Турчын, тарыфная стаўка першага разраду будзе павялічана з 1 верасня.
Па дадзеных БелТА, яна будзе павялічана на 12,6% - з 36,4 да 41 рубля, гэта значыць адразу на 4,6 рубля. Для параўнання: з 1 мая тарыфную стаўку падвышалі на больш сціплы памер - усяго на 90 капеек.
Урад Беларусі працягвае працу па павышэнні заробкаў бюджэтнікаў. Згодна з планамі чыноўнікаў, супрацоўнікі такіх арганізацый павінны ў сярэднім атрымліваць 80% ад узроўню сярэдняй зарплаты па краіне. Асобна працуюць над павышэннем даходаў медыкаў, настаўнікаў і некаторых іншых спецыялістаў.
Сістэму аплаты працы бюджэтнікаў сёлета вырашылі змяніць. У студзені прэзідэнт Беларусі падпісаў адпаведны ўказ: замест 27-разраднай тарыфнай сеткі была ўведзена 18-разрадная, а замест стаўкі першага разраду з'явілася базавая. Пачне дзейнічаць новая сістэма з першага студзеня 2020 года.
