МІНСК, 3 вер - Sputnik. Літва зацікаўлена ў спрашчэнні візавага рэжыму з Беларуссю, заявіў у аўторак кіраўнік МЗС краіны Лінас Лінкявічус.
Міністр замежных спраў Літвы 3 верасня правёў сустрэчу з новым паслом Беларусі Валерыем Бараноўскім. Бакі абмеркавалі бяспеку Беларускай АЭС, якая будуецца ў рэспубліцы, а таксама перспектывы двухбаковага супрацоўніцтва ў розных сферах, у тым ліку ў эканоміцы, транспарце, адукацыі і культуры.
"Літва і Беларусь - суседзі, і ўсе пытанні для нас важныя. Мы будзем прагматычнымі і падтрымаем тыя праекты або ініцыятывы, якія прынясуць карысць як ЕС, так і нашым двухбаковым адносінам", - падкрэсліў Лінкявічус.
Ён таксама адзначыў, што літоўскі бок жадае, каб паміж ЕС і Беларуссю быў нарэшце спрошчаны візавы рэжым.
"Літва зацікаўлена ў павелічэнні колькасці турыстаў з Беларусі і ў спрашчэнні візавага рэжыму паміж Еўрапейскім саюзам і Беларуссю", - сказаў міністр.
Раней пасол Еўрасаюза ў Беларусі Андрэа Віктарын раней заяўляла пра тое, што візавае пагадненне будзе падпісана ўжо восенню і ўступіць у сілу да змены візавых правілаў ЕС і павелічэння консульскага збору да 80 еўра. Беларусь і Еўрасаюз спрабуюць дамовіцца аб спрашчэнні візавага рэжыму апошнія некалькі гадоў. Мяркуецца, што дакумент будзе падпісаны разам з пагадненнем па рэадмісіі.
Чытайце таксама:
- Урад Беларусі разлічвае падпісаць візавае пагадненне з ЕС восенню
- Шэнгенскія візы для беларусаў падаражэюць з 12 студзеня 2020 года
- Эксперт: мы наблізіліся да фінішу ў пытанні шэнгенскіх візаў для беларусаў
