Адкрытае неба: РФ і Беларусь выканаюць назіральны палёт над Польшчай

© Sputnik / Игорь Руссак / Перайсці ў медыябанкСамалёт для аэрафотаздымкі Ан-30, архіўнае фота
Самалёт для аэрафотаздымкі Ан-30, архіўнае фота - Sputnik Беларусь
Падпісацца
Украіна і ЗША ў рамках дагавора па адкрытым небе таксама ажыццявяць назіральны палёт над тэрыторыяй Расійскай Федэрацыі.

МІНСК, 9 вер - Sputnik. Назіральны палёт над тэрыторыяй Польшчы ажыццявяць Беларусь і Расія з 9 па 13 верасня, паведамляе выданне расійскіх Узброеных сіл "Чырвоная зорка".

Упраўленне ваенна-паветраных сілаў і СПА Міністэрства абароны прадае верталёт МІ-26 - Sputnik Беларусь
Прадаецца МІ-26, можа, вам патрэбен?

Палёт будзе ажыццёўлены ў рамках міжнароднага Дагавора па адкрытым небе. ЗША і Украіна правядуць аналагічны палёт над тэрыторыяй Расійскай Федэрацыі з 9 па 14 верасня.

"У рамках рэалізацыі Міжнароднага дагавора па адкрытым небе група дзяржаў-удзельніц Беларусі і Расіі плануе выканаць назіральны палёт на расійскім самалёце назірання Ан-30Б над тэрыторыяй Польшчы", - цытуе выданне начальніка Нацыянальнага цэнтра па памяншэнні ядзернай небяспекі Сяргея Рыжкова.

Максімальная далёкасць палёту складзе 1,4 тысячы кіламетраў над Польшчай, вылет ажыццявіцца з аэрадрома адкрытага неба ў Варшаве.

Сумесная місія ЗША і Украіны выканае палёт над тэрыторыяй Расійскай Федэрацыі на румынскім самалёце назірання Ан-30. Вылет адбудзецца з аэрадрома Кубінка.

Таксама ў рамках рэалізацыі Венскага дакумента 2011 года аб мерах умацавання даверу і бяспекі з 9 па 12 верасня група расійскіх інспектараў плануе правесці інспекцыю раёна плошчай у 14 тысяч квадратных кіламетраў на тэрыторыі Германіі.

Дагавор па адкрытым небе быў падпісаны ў 1992 годзе і стаў адной з мер па ўмацаванні даверу ў Еўропе пасля халоднай вайны. Ён дзейнічае з 2002 года і дазваляе краінам-удзельніцам адкрыта збіраць інфармацыю аб узброеных сілах і мерапрыемствах адна адной.

Стужка навiн
0