Клайпедскі порт хоча павялічыць грузаабарот за кошт грузаў з Беларусі

© Sputnik / Андрей Александров / Перайсці ў медыябанкКлайпедскі марскі порт
Клайпедскі марскі порт - Sputnik Беларусь
Падпісацца
Клайпедскі порт уваходзіць у пяцёрку важнейшых на Балтыйскім моры па грузаабароце. Паток грузаў з Беларусі штогод расце: напрыклад, у 2013 годзе было больш за 9 мільёнаў тон грузаў, за мінулы год паказчык склаў амаль 15 мільёнаў тон.

МІНСК, 30 вер - Sputnik. Клайпедскі порт збіраецца інвеставаць у інфраструктуру для прыцягнення грузаў з Беларусі, паведаміў прадстаўнік дырэкцыі Клайпедскага марскога порта Відмантас Паукштэ на палях беларуска-літоўскага транспартнага форуму.

Клайпедскі порт, нагадаў Паукштэ, уваходзіць у пяцёрку важнейшых на Балтыйскім моры па грузаабароце, кожны год гэты паказчык узрастае ў сярэднім на 7%. Гэта мультымадальны порт. Паток грузаў з Беларусі штогод расце: напрыклад, у 2013 годзе было больш за 9 мільёнаў тон грузаў, за мінулы год паказчык склаў амаль 15 мільёнаў тон.

Нягледзячы на актыўную дынаміку, Клайпедскі порт мае намер інвеставаць на карысць далейшага росту тавараў з Сінявокай, "каб мы маглі стварыць умовы для сваіх партнёраў і сяброў з Беларусі", - падкрэсліў Паукштэ.

Інвестыцыйная праграма на бліжэйшыя чатыры гады прадугледжвае будаўніцтва прычалаў і паглыбленне Клайпедскага порта.

"Цяпер наша ўвага засяроджана на тым, каб мы маглі прыняць усе самыя вялікія суда, якія могуць увайсці ў Балтыйскае мора", - дадаў прадстаўнік дырэкцыі порта.

Клайпедскі дзяржаўны марскі порт - важны транспартны вузел Літвы, ён злучае марскія, сухапутныя і чыгуначныя маршруты. Гэта самы паўночны порт на ўсходняй частцы Балтыйскага мора. Таваразварот порта у 2018 годзе склаў 46,6 мільёна тон - рэкордны паказчык за ўсю гісторыю.

Стужка навiн
0