ГОМЕЛЬ, 18 кас - Sputnik. Чарговае пасяджэнне Клуба галоўных рэдактараў і экспертаў Беларусі і Расіі праходзіць у гэтыя дні ў Гомельскай вобласці.
Саюзны Клуб галоўных рэдактараў і экспертаў быў створаны у 2018 годзе як інструмент прамых і нефармальных зносін сярод вядучых медыяменеджараў абедзвюх краін, а таксама вядомых экспертаў.
Чарговае, трэцяе па ліку пасяджэнне клуба, прайшло ў чацвер у Гомелі. Прынялі ўдзел у мерапрыемстве больш за 20 журналістаў, экспертаў і дыпламатаў. Сярод іх - кіраўнік Sputnik Беларусь Андрэй Качура, дырэктар Інстытута краін Еўропы РАН Аляксей Грамыка, галоўны рэдактар выдавецкага дома "Беларусь Сегодня" Дзмітрый Жук і рэктар Гомельскага дзяржуніверсітэта Сяргей Хахомаў.
Вітаў удзельнікаў пасяджэння Клуба Надзвычайны і Паўнамоцны пасол Расіі Дзмітрый Мезенцаў.
На пасяджэнні Клуба было падпісана пагадненне паміж ГДУ і Асацыяцыяй знешнепалітычных даследаванняў імя Грамыкі.
"Гэты дакумент будзе садзейнічаць далейшаму развіццю ўзаемавыгадных адносін у сферы навукі, адукацыі і экспертнай дзейнасці", - выказаўся Хахомаў.
У пятніцу сябры Клуба і госці мерапрыемства наведаюць вёску Старыя Грамыкі, дзе і нарадзіўся вядомы дыпламат. Будзе ў Веткаўскім раёне праведзены і майстар-клас для мясцовых журналістаў.
Чытайце лангрыд пра Андрэя Грамыку - легендарнага савецкага дыпламата - на Sputnik. Хто яму казаў "Андруша", чаму яго можна называць не толькі "Містэрам не" і не толькі - у гістарычным расследаванні Sputnik.
