Больш за тры дзясяткі розных сістэм кіравання і сувязі атрымала беларуская армія. Перадавалі новую тэхніку на прадпрыемстве "Тэхніка сувязі" ў горадзе Барань Аршанскага раёна, паведаміла напярэдадні Мінабароны рэспублікі.
"Сённяшняе мерапрыемства стала своеасаблівым падвядзеннем вынікаў года па распрацоўцы, вытворчасці і пастаўцы ва Узброеныя Сілы сучасных айчынных сродкаў і сістэм сувязі, якія не саступаюць па сваіх характарыстыках лепшым сусветным аналагам", - адзначыў віцэ-прэм'ер Ігар Ляшэнка, які прысутнічаў на цырымоніі.
Новая тэхніка ў асноўным усталяваная на беларускіх шасі, аднак некаторыя сістэмы ўстаноўлены на кітайскіх цяжкіх пазадарожніках Dajiang.
Навінкі пасля перадачы іх ваенным адправіліся на службу ў войска.
На днях беларускія войскі сувязі адзначылі 100-годдзе - падраздзялення сувязістаў з'явіліся 20 кастрычніка 1919 года ў Чырвонай Арміі.
