МІНСК, 20 ліс - Sputnik. Штармавое папярэджанне аб'явілі сіноптыкі на чацвер у Беларусі з-за моцнага ветру. Адпаведная інфармацыя размешчана на сайце рэспубліканскага гідраметцэнтра.
"Раніцай і ўдзень 21-га лістапада (у чацвер) па заходняй палове рэспублікі і ў Мінску чакаецца ўзмацненне ветру парывамі да 15-20 метраў у секунду", - папярэдзілі спецыялісты, у сувязі з непагаддзю ў краіне аб'яўлены аранжавы ўзровень небяспекі.
Па дадзеных сіноптыкаў, у Беларусі ўсталявалася цёплае надвор'е з сярэднясутачнай тэмпературай паветра на 3-6°С вышэй за кліматычную норму. Але ўжо ў бліжэйшыя дні пахаладае.
Так, 21 лістапада тэрыторыя Беларусі апынецца пад уплывам перыферыі антыцыклона, сфармаванага ў халодным паветры, і малаактыўнага франтальнага падзелу, так што будзе воблачна, днём па ўсходзе - з праясненнямі. На працягу сутак будзе +1..+6°С, у другой палове дня на ўсходзе - да 0..-3°С.
"22-23 лістапада наша рэспубліка апынецца на заходняй перыферыі арктычнага антыцыклону з цэнтрам над Сярэдняй Волгай", - папярэдзілі ў Белгідраметцэнтры.
У пятніцу і суботу чакаецца пераменная воблачнасць, пераважна без ападкаў, на паўднёвым захадзе можа зноў дзьмуць моцны парывісты вецер. Начамі будзе халадаць да -3..-10°С (па ўсходзе пры праясненнях нават да -12°С), пасля абеду паветра стане прагравацца максімум да -4..+3°С.
