На кацельні і ўцяпленне дамоў: Беларусь і МБРР дамовіліся аб пазыцы

© Sputnik / Виктор ТолочкоКапитальный ремонт дома
Капитальный ремонт дома - Sputnik Беларусь
Падпісацца
На выдзеленыя сродкі плануецца наладзіць працу 34 кацельняў на драўняным паліве і мадэрнізаваць дамы ў двух абласцях Беларусі.

МІНСК, 29 ліс - Sputnik. Пагадненне аб пазыцы і гранце Глабальнага экалагічнага фонда на карысць устойлівага энергакарыстання падпісана паміж Беларуссю і Міжнародным банкам рэканструкцыі і развіцця.

Лагатып ЕІБ - Sputnik Беларусь
ЕІБ выдзеліць Беларусі 90 млн еўра на ўстойлівае энергакарыстанне

Рэалізаваць праект плануецца на працягу пяці гадоў. Для гэтага будуць прыцягнутыя пазыковыя сродкі Еўрапейскага інвестыцыйнага банка - 90 мільёнаў еўра. Адпаведнае фінансавае пагадненне было падпісана 22 лістапада гэтага года ў Лондане. Тая ж сума паступіць ад Міжнароднага банка рэканструкцыі і развіцця. Акрамя гэтага паведамляецца аб грантавых 3,653 мільёнаў долараў ад Глабальнага экалагічнага фонда.

На гэтыя грошы збіраюцца наладзіць працу 34 кацельняў на драўняным паліве і правесці мадэрнізацыю шматкватэрных дамоў у Гродзенскай і Магілёўскай абласцях.

Валянцін Татарыцкі нагадаў, што гэта другое пагадненне, якое краіна падпісвае ў рамках праекта "Пашырэнне ўстойлівага энергакарыстанне".

"Міжнародныя пазыкі дазволяць нам істотна рушыць наперад у сферы энергазберажэння", - цытуе Татарыцкага БелТА.

Ён дадаў, што з рэгіёнамі вядзецца актыўная праца. Напрыклад, ужо абраныя 214 жылых дамоў для цеплавой мадэрнізацыі. Хутка ў гэтым спісе з'явіцца яшчэ 39 аб'ектаў.

"Гэта першы праект Сусветнага банка ў Беларусі, дзе звычайным грамадзянам будзе належаць вядучая роля", - адзначыў у сваю чаргу Алекс Крэмер.

Ён таксама паведаміў, што Беларусь можа прыцягнуць міжнародны пазыку на мадэрнізацыю грамадскіх будынкаў.

Як раней паведамлялася, у Беларусі рэалізуецца праект "Пашырэнне ўстойлівага энергакарыстання". Адным з кампанентаў праекта стане цеплавая мадэрнізацыя шматкватэрных жылых дамоў.

Стужка навiн
0