МІНСК, 7 сне - Sputnik. Прэзідэнт Украіны Уладзімір Зяленскі пацвердзіў двухбаковую сустрэчу з прэзідэнтам Расіі Уладзімірам Пуціным. Пра гэта ўкраінскі лідар паведаміў у эфіры праграмы "Свабода слова Савіка Шустэра" на канале "Украіна", паведамляе РБК-Украіна.
Перамовы Пуціна і Зяленскага пройдуць на саміце "нармандскай чацвёркі", які адбудзецца 9 снежня ў Парыжы.
"Так, (плануецца - Sputnik) ўсе двухбаковыя сустрэчы будуць ва ўсіх прэзідэнтаў. Ва ўсіх", - заявіў Зяленскі.
Лідары Германіі, Францыі, Расіі і Украіны сустрэнуцца, каб абмеркаваць, як урэгуляваць узброены канфлікт на ўсходзе Украіны. Чакаецца, што перамовы працягнуцца тры гадзіны.
Самая працяглая сустрэча кіраўнікоў чатырох дзяржаў у "нармандскім" фармаце адбылася ў лютым 2015 года ў Мінску. Перамовы доўжыліся 17 гадзін, тады быў прыняты Комплекс мер па выкананні Мінскіх пагадненняў і распрацаваны крокі па імплементацыі Мінскага пагаднення.
Апошняя сустрэча ў такім фармаце адбылася ў Берліне ў 2016-м.
Адзначым таксама, што напярэдадні новага "нармандскага" саміта прэс-сакратар Крамля Дзмітрый Пяскоў паведаміў, што прэзідэнт Расіі Уладзімір Пуцін плануе правесці асабістую сустрэчу з усімі лідарамі "чацвёркі". Пры гэтым ён заявіў, што Масква адчувае вельмі стрыманы аптымізм з нагоды наладжвання расійска-ўкраінскіх адносін у сувязі з будучай сустрэчай Пуціна і Зяленскага.
