Па традыцыі гродзенскае шэсце галоўных герояў Новага года пачынаецца на плошчы Савецкай. Ужо за гадзіну да мерапрыемства гараджане запоўнілі плошчу, тут панаваў святочны хаос. Дзеці шукалі свабодных Дзядоў Марозаў, каб распавесці ім верш, атрымаць у падарунак жменю цукерак і зрабіць фота на памяць. Гледзячы на іх, дарослыя таксама на адзін вечар паверылі ў казку і загадвалі жаданні, трымаючыся за чароўны посах Белабародага Дзеда.
На галоўная мэта свята - запаліць агні на ёлцы на плошчы, а разам з імі - і навагодні настрой. Пасля шэсця ў горадзе запальваюць і астатнюю яркую ілюмінацыю, а з ёй адлічваць дні да Новага года становіцца нашмат прыемней.
Затым навагоднія персанажы сталі ў вялікую святочную калону, якая накіравалася па пешаходнай вуліцы Савецкай да плошчы Леніна. Гэта таксама асобнае відовішча. Гараджане загадзя сталі ўздоўж вуліцы, каб павітаць герояў шэсця.
Кожны раз у шэсця ёсць свая фішка. Пазалетась гараджан віталі запрэжкі сабак, у мінулым - здзіўляў бескантактавы тралейбус, які ехаў наперадзе святочнага шэсця. У гэтым годзе - гэта больш за дзесятак прыбраных "касцюміраваных" машын і сюрпрыз ад надвор'я ў выглядзе дажджу.
Асаблівасцю гэтага года стала і павышаная цікавасць да мерапрыемства з боку турыстаў. На цяперашніх выхадных у бязвізавы Гродна вырашыла прыехаць больш за дзве з паловай тысячы замежных гасцей - гэта рэкорд для ўікэнда. У горадзе ўпэўнены: многія з іх прыехалі ў Гродна спецыяльна на навагодняе шэсце.
Тэатралізаванае шэсце Дзядоў Марозаў завяршылася на плошчы Леніна, дзе адбыўся танцавальны флэшмоб у выкананні Дзядоў Марозаў і Снягурак і святочная канцэртная праграма.
