МІНСК, 29 сне - Sputnik. Прэзідэнт Беларусі Аляксандр Лукашэнка станцаваў танец на Венскім балі ў суправаджэнні тэлевядучай Паліны Шуба.
Адпаведныя кадры паказалі ў эфіры тэлеканала АНТ у суботу. У 2008 годзе Паліна Шуба стала фіналісткай конкурсу "Міс Беларусь". У апошнія гады яна працуе на тэлеканале "Беларусь 1".
Аднойчы ў інтэрвію расійскай тэлевядучай Ксеніі Сабчак Лукашэнка паведаміў, што з Палінай знакам досыць даўно.
"Даўно я яе ведаю, з 12 гадоў... Я неяк прыехаў прэзідэнтам у адзін гарадок, а яна ўручала мне кветкі. І так здарылася, што неяк сустрэліся, а яна мне: "А я вас ведаю, Аляксандар Рыгоравіч", - сказаў тады ён.
Па дадзеных СМІ, некаторы час Шуба працавала ў службе пратакола кіраўніка дзяржавы.
У мінулым годзе ў Палацы Незалежнасці прайшоў рэспубліканскі навагодні баль. Тады Аляксандр Лукашэнка выконваў танец разам з "Міс Беларусь" Марыяй Васілевіч. Восенню 2019 года яна стала дэпутатам Палаты прадстаўнікоў.
Сярод удзельнікаў Венскага балю былі заўважаны прэм'ер-міністр Сяргей Румас, міністр адукацыі Ігар Карпенка, старшыня Савета Рэспублікі Наталля Качанава, кіраўнік МЗС Беларусі Уладзімір Макей, прэс-сакратар прэзідэнта Наталля Эйсмант і іншыя.
Венскі баль прайшоў у Беларусі ўпершыню. Першы танец (паланэз) выканалі дэбютанты. Да іх далучыліся астатнія госці, якія закруціліся ў вальсе.
Паланэз станчылі 150 маладых людзей ва ўзросце ад 16 да 28 гадоў. Усе яны прайшлі адбор у тры этапы.
На балі дзейнічаў строгі дрэс-код. Дамы павінны быць апранутыя ў доўгія сукенкі светлых тонаў, белыя туфлі на абцасе да пяці сантыметраў. У якасці ўпрыгожвання прапаноўвалася дыядэма. Яе дызайн змяняўся кожны год. Мужчынам рэкамендавалі прыходзіць на баль у чорным гарнітуры, белай кашулі і бабачцы.
