АБСЕ назвала ціск на Sputnik Эстонія праблемай для свабоды СМІ

© Sputnik / Сергей Аверин / Перайсці ў медыябанкСцяг з сімволікай Арганізацыі па бяспецы і супрацоўніцтву ў Еўропе (АБСЕ)
Сцяг з сімволікай Арганізацыі па бяспецы і супрацоўніцтву ў Еўропе (АБСЕ) - Sputnik Беларусь
Падпісацца
Распаўсюджванне індывідуальных санкцый, уведзеных у дачыненні да Дзмітрыя Кісялёва, на Sputnik - гэта сур'ёзны крок з прававога пункту гледжання, адзначыў Арлем Дэзір.

МІНСК, 30 сне - Sputnik. Прадстаўнік АБСЕ па пытаннях свабоды СМІ Арлем Дэзір заявіў, што імкненне ўладаў Эстоніі распаўсюдзіць дзеянне персанальных санкцый Еўрасаюза супраць генеральнага дырэктара МІА "Россия сегодня" на калектыў Sputnik Эстонія стварае праблему ў сферы свабоды СМІ.

Афіцыйны прадстаўнік МЗС Расіі Марыя Захарава - Sputnik Беларусь
Комплексна і цікава: як Расія адкажа на дзеянні супраць Sputnik Эстонія

Супрацоўнікі Sputnik Эстонія атрымалі ад кіраўніцтваў Дэпартамента паліцыі і памежнай аховы краіны прамыя пагрозы ўзбуджэння супраць іх крымінальных спраў у выпадку, калі яны да 1 студзеня 2020 года не спыняць працоўныя адносіны з галаўной арганізацыяй. У якасці абгрунтавання гэтых дзеянняў называюцца санкцыі, уведзеныя Еўрасаюзам 17 сакавіка 2014 году супраць шэрагу фізічных і юрыдычных асоб у святле падзей на Украіне. Аднак санкцыі ЕС уведзены не супраць МІА "Россия сегодня", у якое ўваходзіць Sputnik, а персанальна супраць генеральнага дырэктара агенцтва Дзмітрыя Кісялёва.

"Распаўсюд індывідуальных санкцый, уведзеных у дачыненні да Дзмітрыя Кісялёва, на Sputnik - гэта сур'ёзны крок з прававога пункту гледжання, і гэта стварае праблему ў сферы свабоды СМІ", - пазначана ў адказе Дэзір на запыт галоўнага рэдактара МІА "Россия сегодня" Маргарыты Сіманьян.

Як падкрэсліў прадстаўнік АБСЕ, Sputnik Эстонія не ўваходзіць у санкцыйных спіс Еўрасаюза.

"Я настойліва заклікаю ўлады Эстоніі ўстрымлівацца ад увядзення непатрэбных абмежаванняў у працы замежных журналістаў ці СМІ, якія б негатыўна адбіваліся на свабодным распаўсюдзе інфармацыі, свабодзе СМІ і такім чынам супярэчылі адпаведным абавязальніцтвам АБСЕ", - дадаў Дэзір.

Раней прэзідэнт Расіі Уладзімір Пуцін, каментуючы сітуацыю вакол Sputnik Эстонія, заявіў, што расійскія ўлады будуць рабіць усё, каб падтрымліваць Sputnik пры працы ў іншых краінах. Сіманьян звярнулася да прэзідэнта Эстоніі Керсці Кальюлайд, заклікаўшы не дапусціць арышту журналістаў. Кісялёў, у сваю чаргу, звяртаў увагу на тое, што дзеянні Эстоніі, якая распаўсюджвае санкцыі супраць яго на калектыў Sputnik, ствараюць негатыўны прэцэдэнт. Паводле яго слоў, пазіцыя эстонскіх уладаў небяспечная і "можа справакаваць у Еўропе ланцуговую рэакцыю. Кісялёў адзначыў, што Талін, распаўсюдзіўшы персанальныя санкцыі на ўвесь медыяхолдынг, павёў сябе, "шчыра кажучы, ўбога", і падкрэсліў, што падобным чынам з краін ЕС санкцыі трактуе толькі Эстонія.

Стужка навiн
0