Пяскоў заявіў, што пакуль дакладных дат сустрэчы Лукашэнкі і Пуціна няма

© Sputnik / Алексей Дружинин / Перайсці ў медыябанкПрэс-сакратар прэзідэнта РФ Дзмітрый Пяскоў
Прэс-сакратар прэзідэнта РФ Дзмітрый Пяскоў - Sputnik Беларусь
Падпісацца
Беларускі кіраўнік падчас наведвання Шклова сказаў, што хацеў бы сустрэцца са сваім расійскім калегам, каб абмеркаваць назапашаныя пытанні ў энергетычнай сферы.

МІНСК, 24 сту - Sputnik. Выразныя даты новай сустрэчы прэзідэнтаў Расіі і Беларусі Уладзіміра Пуціна і Аляксандра Лукашэнкі пакуль не вызначаны, заявіў прэс-сакратар расійскага лідара Дзмітрый Пяскоў.

Прэзідэнт Беларусі Аляксандр Лукашэнка ў Шклове - Sputnik Беларусь
Лукашэнка: усякае перажывалі з Расіяй, але хочам нармальных адносін

Лукашэнка ў пятніцу падчас наведвання Шклова заявіў, што хацеў бы на асабістай сустрэчы са сваім расійскім калегам абмеркаваць умовы паставак нафты ў Беларусь.

"Я кажу: добра, не будзем па тэлефоне абмяркоўваць, скончыш мерапрыемства - пасланне там і іншае, сустрэнемся і за сталом паглядзім, на што мы можам выйсці і да чаго можам дайсці", - цытуе беларускага лідара яго прэс-служба.

Адказваючы на пытанне, калі плануецца сустрэча на вышэйшым узроўні, Пяскоў сказаў РІА "Новости", што "дакладных дат пакуль няма".

Прэзідэнты Беларусі і Расіі сустракаліся ў папярэдні раз 20 снежня 2019 года ў Санкт-Пецярбургу. Тады Лукашэнка і Пуцін падвялі вынікі 20-гадовага будаўніцтва Саюзнай дзяржавы. Асобнай тэмай перамоваў на вышэйшым узроўні стала старшынства Мінска ў ЕАЭС. Энергетычныя пытанні, якія ўзніклі ў канцы года паміж двума краінамі, абмяркоўваліся ў асобным парадку па тэлефоне напярэдадні Новага года.

Стужка навiн
0