Беларусам раяць не ездзіць у Італію з-за ўспышкі каронавіруса

© REUTERS / FLAVIO LO SCALZOВаенныя афіцэры ў масках знаходзяцца каля сабора Дуома, закрытага ўладамі з-за ўспышкі каронавируса ў Мілане
Ваенныя афіцэры ў масках знаходзяцца каля сабора Дуома, закрытага ўладамі з-за ўспышкі каронавируса ў Мілане - Sputnik Беларусь
Падпісацца
На поўначы краіны ўжо зафіксавана больш за 300 выпадкаў заражэння COVID-19, ахвярамі віруса сталі дзесяць чалавек.

МІНСК, 26 лют - Sputnik. Беларусам рэкамендуюць часова ўстрымацца ад паездак у паўночныя рэгіёны Італіі з-за ўспышкі каронавіруса, паведамілі ў прэс-службе Міністэрства спорту і турызму Беларусі.

У Міністэрстве аховы здароўя адбылася нарада па сітуацыі з распаўсюджаннем каронавіруса з удзелам кіраўніка ведамства Уладзіміра Каранік і прадстаўнікамі Мінспорту. Па выніках абмеркаванняў міністэрства выступілі з рэкамендацыямі для беларусаў не выязджаць у Італію, дзе, паводле апошніх звестак COVID-19 ужо заразіліся больш за 300 чалавек, а ахвярамі віруса сталі дзесяць чалавек.

"Міністэрства спорту і турызму Беларусі рэкамендуе ўстрымацца ад паездак на поўнач Італіі", - рэзюмавалі ў прэс-службе Мінспорту.

Каронавіруса ў Беларусі няма

У аўторак Каранік заявіў, што каронавірус новага тыпу ў Беларусі не зафіксаваны.

"У Беларусі сітуацыя спакойная. Ні аднаго выпадку завозу каронавіруса па-ранейшаму не зафіксавана. Мы праводзім супрацьэпідэмічныя мерапрыемствы. Штодня аналізуецца сітуацыя, нават не штодня, а некалькі разоў на дзень", - распавёў кіраўнік Міністэрства аховы здароўя.

Пры гэтым з-за сітуацыі, якая адбываецца ў Еўропе, Беларусь вырашыла ўзмацніць кантроль на рэйсах, якія вяртаюцца цяпер з Італіі.

"Праводзіцца медыцынскае назіранне за нашымі грамадзянамі і грамадзянамі іншых краін, якія вярнуліся з КНР, зараз ўзмоцненае назіранне распаўсюджана і на тых грамадзян, якія вярнуліся з паўночных раёнаў Італіі", - запэўніў Уладзімір Каранік.

Асцярогі ёсць

Нягледзячы на запэўніванні беларускіх уладаў у тым, што сітуацыю з COVID-19 трымаюць пад кантролем, у інтэрнэце з'явіліся петыцыі з заклікамі не пускаць у рэспубліку кітайцаў для прадухілення распаўсюджвання віруса.

Пры гэтым італьянцам, нягледзячы на эпідэмію, выезд за межы дзяржавы ніхто не забараняў.

Міністэрства аховы здароўя ў сваю чаргу заклікала не дапускаць развіцця ксенафобіі ў сувязі з успышкай новага каронавіруса. Аб недапушчальнасці падобных настрояў заяўляў асабіста кіраўнік Міністэрства аховы здароўя Уладзімір Каранік.

Пры гэтым некаторыя хостелы Мінска і аграсядзібы за межамі сталіцы не гатовыя прымаць кітайцаў з-за боязі з нагоды каронавіруса.

Стужка навiн
0