Еўрасаюз на 30 дзён закрывае свае межы і зону шэнгена

© AP / Winfried RothermelНа мяжы Германіі
На мяжы Германіі - Sputnik Беларусь
Падпісацца
На гэты час у больш чым 140 дзяржавах заражаныя вірусам звыш 153 тысяч чалавек, 5,7 тысячы памерлі.

МІНСК, 17 сак - Sputnik. Еўрапейскі саюз на 30 дзён закрывае свае межы і Шэнгенскай зоны ў сувязі з распаўсюджваннем на кантыненце каронавіруса новага тыпу, паведаміў напярэдадні падчас тэлевыступу французскі прэзідэнт Эмануэль Макрон.

Пасольствы Польшчы і Літвы спынілі прыём дакументаў на візы - Sputnik Беларусь
Пасольствы Польшчы і Літвы спынілі прыём дакументаў на візы

"З заўтрашняга паўдня мяжы Еўрасаюза і Шэнгенскай прасторы будуць зачыненыя на 30 дзён", - сказаў ён.

Зварот прэзідэнта да грамадзянаў Францыі трансляваўся на старонках Елісейскага палаца ў сацыяльных сетках і найбуйнейшых каналах краіны.

Цяпер у Францыі зарэгістравана больш за 5,4 тысячы выпадкаў заражэння каронавірусам, 120 чалавек ад хваробы памерлі, у рэспубліцы аб'яўлены трэці ўзровень эпідэміі.

Сусветная арганізацыя аховы здароўя на мінулым тыдні паведаміла, што ўспышка каронавіруса COVID-19 з'яўляецца пандэміяй. На гэты час у больш чым 140 дзяржавах заражаныя вірусам звыш 153 тысяч чалавек, 5,7 тысячы памерлі.

Да панядзелка 16 сакавіка мяжы з Беларуссю зачынілі Польшча, Літва, Латвія і Украіна. Абмежаванне на перасоўванне грамадзян праз расійска-беларускую мяжу пачынае дзейнічаць 18 сакавіка. Паводле апошніх дадзеных, каронавірус COVID-19 у Беларусі выяўлены ў 36 грамадзян. У Расіі да цяперашняга часу зафіксавана 93 выпадкі каронавіруса, з іх чатыры пацыенты паправіліся.

Стужка навiн
0