МЗС: беларусы, якія зараз едуць за мяжу, робяць гэта на свой страх і рызыку

© Sputnik / Рамиль Ситдиков / Перайсці ў медыябанкПасажыры на эскалатары
Пасажыры на эскалатары - Sputnik Беларусь
Падпісацца
Паводле інфармацыі ДПК, толькі за апошнія тры дні за мяжу, нягледзячы на ўсе папярэджанні, адправіліся 11 тысяч беларусаў.

МІНСК, 20 сак - Sputnik. Міністэрства замежных спраў Беларусі зноў рэкамендуе грамадзянам рэспублікі без асаблівай неабходнасці не выязджаць за мяжу з-за складанай сітуацыі з каронавірусам, адпаведнае паведамленне было распаўсюджана ведамствам напярэдадні.

Пасажыры рэгіструюцца на рэйс - Sputnik Беларусь
Лукашэнка запатрабаваў вярнуць у Беларусь грамадзян, якія "захраслі" за мяжой 

У цяперашні час дыпмісіі рэспублікі па ўсім свеце прыкладаюць намаганні, каб вярнуць беларускіх турыстаў з замежных дзяржаў, якія закрылі мяжы з-за распаўсюджвання COVID-19. Па апошніх дадзеных, іх можа быць каля васьмі тысяч, прычым асноўная частка беларусаў цяпер знаходзіцца ў Егіпце.

"Яшчэ раз настойліва раім выключыць паездкі без асаблівай неабходнасці за мяжу ў дадзены востры перыяд у сувязі з відавочнымі цяжкасцямі вярнуцца на радзіму", - паведаміў прэс-сакратар МЗС Анатоль Глаз.

Ён таксама адзначыў, што, паводле інфармацыі ДПК, толькі за апошнія тры дні за мяжу, нягледзячы на ўсе папярэджанні, адправіліся 11 тысяч беларусаў.

"Грамадзяне, якія ажыццяўляюць падобныя крокі, павінны разумець, што робяць гэта на свой страх і рызыку", - падкрэсліў Глаз.

Прадстаўнік МЗС праінфармаваў, што да чацвярга ведамства і беларускія пасольствы па ўсім свеце аказалі дапамогу 2500 беларусам, якія захраслі ў замежных дзяржавах.

Пры гэтым пакуль ёсць складанасці ў перамяшчэнні ў Беларусь турыстаў, якія знаходзяцца ў краінах Паўднёва-Усходняй Азіі, у прыватнасці Індыі і на Шры-Ланцы. Кансультацыі па рашэнні праблемы з іх пераездам вядуцца - каб яны маглі прыляцець назад на раней забраніраваных рэйсах.

Стужка навiн
0