МІНСК, 30 сак - Sputnik. Аквапарк "Лебяжы" ў Мінску закрыецца для наведвальнікаў да канца красавіка, пра гэта паведамілі ў прэс-службе забаўляльнага комплексу.
Аквапарк не будзе працаваць з 6 па 30 красавіка, аднак гэта ніяк не звязана з каронавірусам. У гэты перыяд там пройдуць прафілактычныя работы, якія звычайна праводзяцца ў верасні.
"Мы зачыняемся, каб падрыхтавацца да новага цёплага сезону, цалкам змяніць ваду, правесці генеральную ўборку басейнаў, ліквідаваць дробныя эксплуатацыйныя дэфекты", - растлумачылі ў аквапарку.
Пры гэтым пастаянных кліентаў паспяшаліся супакоіць: іх абанементы і клубныя карты будуць падоўжаныя на гэтыя тры тыдні. Акрамя таго, будзе працаваць фітнес-клуб, які знаходзіцца на тэрыторыі аквапарку.
