МІНСК, 21 кра - Sputnik. Расія гатова рэструктураваць Мінску крэдыт на будаўніцтва Беларускай АЭС, пра гэта паведамляе "Інтэрфакс" са спасылкай на свае крыніцы.
Паводле дамовы, Расія выдала Беларусі крэдыт на суму да 10 мільярдаў долараў на будаўніцтва АЭС. Гэтыя грошы прадастаўлены для фінансавання 90% кошту работ па генкантракце на будаўніцтва АЭС. Яшчэ 10% аплачвае беларускі бок.
Па стане на пачатак красавіка было выкарыстана 4,33 мільярда сродкаў крэдыту, а прагнозны кошт праекта БелАЭС не перавысіць шасці мільярдаў.
Па дадзеных крыніц "Інтэрфакса", Расія падрыхтавала і папярэдне узгадніла з беларускім бокам папраўкі ў пагадненне аб прадастаўленні крэдыту. Раней з такой просьбай звяртаўся афіцыйны Мінск.
У выпадку падпісання дакумента мяркуецца падаўжэнне перыяду выкарыстання крэдыту на два гады - да канца 2022 года, замену дзеючай "змяшанай" працэнтнай стаўкі па крэдыце на фіксаваную ў памеры 3,3% гадавых, а таксама перанос даты пачатку пагашэння асноўнага доўгу па крэдыце з 1 красавіка 2021 года на 1 красавіка 2023 года.
Агульны фінансавы эфект можа быць супастаўны з "дараваннем" Беларусі сумы каля 600 мільёнаў долараў.
Мінэнерга Беларусі заяўляла пра планы запуску першага энергаблока БелАЭС на працягу 2020 года, другога - ў 2021 годзе. Генпадрадчыкам будаўніцтва АЭС з'яўляецца "Атамбудэкспарт" (структура "Расатама").
