Беларусь спакойна выйдзе з гэтай эпідэміялагічнай праблемы, але ізаляцыя краіны і рыторыка суседзяў аб нашай бязладнасці не вельмі добра ўплываюць на развіццё сітуацыі, лічыць кіраўнік праекта Парку высокіх тэхналогій па ранняй дыягностыцы захворванняў Алег Дарашкевіч.
"Адзначу, што я не фанат Аляксандра Рыгоравіча, але ў дадзенай сітуацыі ён паступіў зусім правільна. Напэўна яму раілі вельмі адукаваныя спецыялісты", - сказаў эксперт.
На думку Дарашкевіча, асноўны шлях заражэння каронавірусам - паветрана-кропельны. Пры гэтым, чалавек уладкованы так, каб вірусы і бактэрыі не маглі лёгка трапіць у арганізм, на яго шляху паўстаюць розныя механізмы абароны.
"Перад вірусам мы зусім не бяззбройныя. Здаровага маладога чалавека заразіць вельмі цяжка. І наогул узровень неспецыфічнага імунітэту вар'іруецца, адрозніваецца ў розных людзей у дзясяткі разоў! Генетычна мы ўсе абсалютна ўнікальныя, і па-рознаму рэагуем на любы вірусны агент", - разважае Дарашкевіч.
Таксама эксперт дэталёва патлумачыў механізмы імунітэту, важнасць яго псіхалагічнага складніка і распавёў пра ўнікальныя распрацоўкі беларускіх вучоных, якія могуць дазволіць не толькі заняць лідзіруючыя пазіцыі ў галіне інавацыйнай медыцыны, але і даць каласальны эканамічны эфект для краіны.
Поўную версію размовы з беларускім навукоўцам Алегам Дарашкевічам глядзіце на Sputnik Беларусь.
