Відэа

Ярмошына аб каронавірусе: як жыла, так і жыву ў самаізаляцыі

Падпісацца
У Цэнтрвыбаркаме з трывогай ставяцца нават да намёкаў на дрэннае самаадчуванне супрацоўнікаў, распавяла Sputnik кіраўнік камісіі Лідзія Ярмошына. Як каранцін паўплываў на яе ўласнае жыццё, глядзіце ў расповядзе кіраўніка ЦВК на Sputnik.

Кіраўнік Цэнтрвыбаркама Лідзія Ярмошына распавяла карэспандэнтам Sputnik, як пандэмія паўплывала на яе жыццё і чаму каронавірус прымушае трывожыцца супрацоўнікаў Цэнтрвыбаркама.

Лукашэнка: выбары ў нашай краіне пройдуць абсалютна сумленна і прыстойна - Sputnik Беларусь
Відэа
Лукашэнка: выбары ў нашай краіне пройдуць абсалютна сумленна і прыстойна

"У мяне жыццё амаль не змянілася падчас пандэміі. Як жыла, так і жыву ў самаізаляцыі ў поўным сэнсе гэтага слова. Я жыву ў пасёлку Дразды адна ў доме. Там няма патрэбы хадзіць у масцы і прымаць нейкія асаблівыя меры засцярогі", - падзялілася з карэспандэнтамі Sputnik Лідзія Ярмошына.

Тым не менш, яна прызнала, што жыццё стала сумным, адмяніліся ўсе мерапрыемствы - і культурныя, і пратакольныя.
"Адзінае, што засталося ў якасці забавы пасля працы - гэта шпацыр і чытанне мастацкай літаратуры. Але паколькі гэта ўсё роўна ў большай частцы і ёсць маё жыццё па-за працай, то я ніякіх праблем з гэтым не адчуваю", - прызналася кіраўнік ЦВК.

Да звычайнай працоўнай руціны дадалася абавязковая дэзінфекцыя рук спецсродкамі. Маску, прызнаецца Лідзія Міхайлаўна, апранае толькі ў краму.

"І пастаянна адчуваеш страх за сваіх супрацоўнікаў. Нават намёк на нездароўе ўспрымаецца цяжка і трывожна. Нас працуе толькі дзевяць чалавек, калі хоць адзін захварэе, ЦВК перастане існаваць, проста зачыніцца на каранцін. Для нас гэта трывожны час з улікам таго, што мы знаходзімся на парозе найбуйнейшай выбарчай кампаніі", - дадала Ярмошына, маючы на ўвазе прэзідэнцкія выбары.

Прэзідэнт Беларусі Аляксандр Лукашэнка заявіў, што крайні тэрмін для правядзення прэзідэнцкіх выбараў - канец лета. Падстаў для пераносу кампаніі ў рэспубліцы няма, падкрэсліў кіраўнік дзяржавы.

Стужка навiн
0