Гайдукевіч зняў сваю кандыдатуру з выбараў прэзідэнта

© Sputnik / Виктор ТолочкоАлег Гайдукевіч
Алег Гайдукевіч - Sputnik Беларусь
Падпісацца
Лідар Ліберальна-дэмакратычнай партыі заклікаў усіх прыйсці на выбары 9 жнiўня; прэтэндэнтаў на пост прэзідэнта засталося 14.

МІНСК 26 мая - Sputnik. Лідfр Ліберальна-дэмакратычнай партыі Беларусі Алег Гайдукевіч зняў сваю кандыдатуру з выбараў прэзідэнта, пра гэта ён заявіў сёння на прэс-канферэнцыі.

Збор подпісаў за вылучэнне кандыдатаў у прэзідэнты працягваецца ў Беларусі. Да сёння ў гэтым этапе перадвыбарчай гонкі удзельнічалі 15 ініцыятыўных груп.

"Для мяне прэзідэнцкія выбары - гэта важнейшая палітычная падзея, якая павінна ўмацаваць краіну, а не раз'яднаць яе", - заявіў у аўторак на прэс-канферэнцыі Гайдукевіч.

Дэпутат Палаты прадстаўнікоў падкрэсліў, што пасля выбараў патрэбна будзе праводзіць спакойныя рэформы, пры гэтым для яго ў прыярытэце - нацыянальныя інтарэсы.

Такім чынам Гайдукевіч заявіў аб зняцці сваёй кандыдатуры з прэзідэнцкіх выбараў. Пры гэтым ён не адмаўляецца ад удзелу ў кампаніі ў поўным аб'ёме - з адказнасці перад выбаршчыкамі.

"Я павінен сказаць выбаршчыкам, за каго ім галасаваць. На сёння я заклікаю ўсіх сваіх прыхільнікаў, усіх актывістаў, усіх людзей, якія планавалі за мяне галасаваць і ўсіх членаў партыі (...) заклікаю ўсіх прыйсці на выбары прэзідэнта краіны ў абавязковым парадку і падтрымаць дзеючага прэзідэнта", - заявіў ён.

Гайдукевіч падкрэсліў, што гэта - не толькі яго рашэнне, а ўсёй партыі.

Пры гэтым на сёння, па словах кіраўніка ЛПДБ, ён сабраў каля 30 тысяч подпісаў у падтрымку свайго вылучэння.

Дэпутат падкрэсліў, што ён і партыя ў далейшым будуць дзейнічаць у інтарэсах краіны і прапаноўваць свае карэкціроўкі дзеючага заканадаўства.

Падобная сітуацыя з прэтэндэнтам у прэзідэнты ад ЛДПБ адбывалася ў 2010 годзе: тады Сяргей Гайдукевіч заявіў, што сабралі больш за сто тысяч подпісаў, аднак вырашыў зняцца з выбараў. Нікога з апанентаў Гайдукевіч-старэйшы тады не падтрымаў.

Стужка навiн
0