ЦВК: подпісы для рэгістрацыі кандыдатамі ў прэзідэнты здалі 7 прэтэндэнтаў

© Photo : Сергей Сацюк / БелаПАНЦВК Беларусі
ЦВК Беларусі - Sputnik Беларусь
Падпісацца
Поўны пакет дакументаў для рэгістрацыі пакуль падала толькі адна ініцыятыўная група - экс-банкіра Віктара Бабарыкі.

МІНСК, 22 чэр - Sputnik. Ініцыятыўныя групы сямі прэтэндэнтаў у прэзідэнты здалі ў тэрытарыяльныя выбарчыя камісіі подпісы для праверкі, паведамілі Sputnik у Цэнтрвыбаркаме Беларусі.

Сцягі з сімволікай Еўрасаюза - Sputnik Беларусь
Еўрасаюз заклікаў улады Беларусі неадкладна вызваліць Бабарыку

Збор і падача подпісаў у тэрытарыяльныя выбарчыя камісіі завяршыліся ў Беларусі 19 чэрвеня, а ўжо з 20 чэрвеня патэнцыйныя кандыдаты могуць падаваць дакументы для рэгістрацыі.

Як паведамілі Sputnik у панядзелак у ЦВК, пакет дакументаў для рэгістрацыі на дадзены момант падала толькі адна ініцыятыўная група - экс-банкіра Віктара Бабарыкі.

Нягледзячы на арышт, Бабарыка можа ўдзельнічаць у перадвыбарчай гонцы, абмежаваннем стала б толькі прызнанне судом яго вінаватасці.

У цэлым жа, як паінфармавалі ў Цэнтрвыбаркаме, подпісы здалі прадстаўнікі сямі ініцыятыўных груп. "Пра колькасць здадзеных подпісаў мы будзем ведаць да 30 чэрвеня", - удакладнілі ў ЦВК.

Раней пра збор не менш за 100 тысяч подпісаў заяўлялі ў штабах наступных прэтэндэнтаў: Аляксандра Лукашэнкі, Віктара Бабарыкі, Валерыя Цапкалы, Ганны Канапацкой, Андрэя Дзмітрыева, Сяргея Чарэчаня і Святланы Ціханоўскай.
З 15 зарэгістраваных ініцыятыўных групаў дзве (Алега Гайдукевіча і Наталлі Кісель) заявілі аб выхадзе з гонкі, астатнія шэсць прэтэндэнтаў не сабралі неабходную колькасць подпісаў.

Рэгістрацыя кандыдатаў у прэзідэнты павінна адбыцца да 14 ліпеня.

Выбары кіраўніка дзяржавы пройдуць у Беларусі 9 жніўня.

Чытайце таксама:

Стужка навiн
0