Падача дакументаў у ВНУ Беларусі стартуе 25 ліпеня, а адным з галоўных дакументаў, нароўні з сертыфікатамі ЦТ і атэстатам, з'яўляецца меддаведка пра стан здароўя.
Пры паступленні ў вышэйшыя навучальныя ўстановы Беларусі абітурыенты павінны падаваць у прыёмныя камісіі медыцынскія даведкі, якія спецыяльна афармляюцца на працягу лета.
Для атрымання даведкі вам трэба папрасіць у паліклініцы накіраванне формы 1 здр/у-10.
Большасці абітурыентаў для паступлення неабходна здаць:
- агульны аналіз крыві;
- агульны аналіз мачы;
- флюараграфію;
- ЭКГ.
Таксама ўрач можа прызначыць і іншыя абследаванні. Аналізы для даведкі неабходна здаваць раніцай, удзень можна прайсці ўсіх урачоў - як правіла, гэта займае зусім крыху часу.
Акрамя таго, у рамках падрыхтоўкі даведкі для паступлення ў ВНУ неабходна прайсці агляд у артапеда (хірурга), неўролага, афтальмолага, отарыналарынголага, стаматолага і, для дзяўчат, гінеколага. Агляд урачоў таксама можа быць дадаткова назначаны тэрапеўтам.
У дарослых паліклініках для падрыхтоўкі даведкі вылучаюць асобныя гадзіны на працягу дня - іх можна даведацца ў рэгістратуры. Перш за ўсё для атрымання даведкі ў дарослай паліклініцы неабходна ісці ў даўрачэбны кабінет, у дзіцячай - да падлеткавага ўрача або ўчастковага тэрапеўта.
У даведцы для паступлення ў ВНУ павінны быць наступныя пункты:
- Найменне ўстановы аховы здароўя
- Пячатка і подпіс насупраць заключэння кожнага ўрача
- Усе жаданыя праграмы (групы спецыяльнасцяў) у графе "Прыдатны для навучання..."
- Дата выдачы дакумента
- Штамп і подпіс галоўнага ўрача або яго намесніка
Абавязкова варта праверыць, каб у даведцы было ўсё неабходнае: тады ў прыёмнай камісіі вы не сутыкнецеся з праблемамі. Таксама вы можаце вывучыць прыклад даведкі ў адпаведнай пастанове Мінадукацыі.
