СК звярнуўся да пратэстоўцаў: задумайцеся аб наступствах

© Sputnik / Виктор ТолочкоСК звярнуўся да пратэстоўцаў: задумайцеся аб наступствах
СК звярнуўся да пратэстоўцаў: задумайцеся аб наступствах - Sputnik Беларусь
Падпісацца
Напярэдадні ўвечары ў Мінску працягнуліся акцыі пратэсту, нязгодных з вынікамі выбараў, міліцыя выкарыстала для разгону пратэстоўцаў спецтэхніку і спецсродкі.

МІНСК, 11 жні - Sputnik. З заклікам задумацца аб наступствах звярнуўся Следчы камітэт Беларусі да грамадзян краіны, адпаведная заява з'явілася ў Telegram-канале ведамства.

Праблемы з доступам у інтэрнэт трэція суткі назіраюцца ў Беларусі - Sputnik Беларусь
Праблемы з доступам у інтэрнэт трэція суткі назіраюцца ў Беларусі

"Не паддавайцеся на правакацыі арганізатараў беспарадкаў, задумайцеся аб наступствах вашых дзеянняў, будзьце разважлівымі. Нагадваем, што за падобныя супрацьпраўныя дзеянні абавязкова наступіць крымінальная адказнасць", - гаворыцца ў звароце СК.

Напярэдадні ўвечары ў Мінску працягнуліся масавыя акцыі пратэсту нязгодных з вынікамі выбараў. Пасля закрыцця выбарчых участкаў у нядзелю людзі выйшлі на вуліцу ў многіх гарадах. Па дадзеных МУС, было затрымана каля 4 тысяч чалавек. Медыкі паведамлялі, што пацярпелі каля сотні чалавек - 39 супрацоўнікаў праваахоўных органаў і больш за 50 грамадзянскіх асоб.

Паводле факту падзей у нядзелю ўвечары Следчы камітэт распачаў больш за 20 крымінальных спраў. Санкцыі па некаторых артыкулах прадугледжваюць пакаранне да 15 гадоў пазбаўлення волі.

У панядзелак увечары акцыі працягнуліся. МУС паведаміла аб адным загінуўшым. Па дадзеных праваахоўнікаў у руках у мужчыны выбухнула неўстаноўленая прылада. Паводле папярэдніх звестак ЦВК рэспублікі, дзеючы прэзідэнт Аляксандр Лукашэнка набраў 80,08% галасоў, а яго асноўны сапернік Святлана Ціханоўская - 10,9%.

Стужка навiн
0