Сілавікі затрымалі членаў Каардынацыйнага савета Кавалькову і Дылеўскага

© Sputnik / Виктор ТолочкоДавераная асоба кандыдата ў прэзідэнты Святланы Ціханоўскай Вольга Кавалькова
Давераная асоба кандыдата ў прэзідэнты Святланы Ціханоўскай Вольга Кавалькова - Sputnik Беларусь
Падпісацца
Абодва ўваходзяць у прэзідыум Каардынацыйнага савета, у дачыненні да якога раней была ўзбуджаная крымінальная справа.

МІНСК, 24 жні - Sputnik. Сілавікі затрымалі членаў прэзідыума Каардынацыйнага савета Вольгу Кавалькову і Сяргея Дылеўскага, гэтую інфармацыю пацвердзілі ў самым КС.

© Sputnik / Виктор ТолочкоЛідэр стачачнага камітэта МТЗ Сяргей Дылеўскі
Сілавікі затрымалі членаў Каардынацыйнага савета Кавалькову і Дылеўскага - Sputnik Беларусь
Лідэр стачачнага камітэта МТЗ Сяргей Дылеўскі

На мінулым тыдні ў адносінах Каардынацыйнага савета была ўзбуджаная крымінальная справа па падазрэнні ў спробах захопу ўлады.

Акцыя пратэсту ў Мінску 23 жніўня - Марш салідарнасці - Sputnik Беларусь
Масава і мірна: маршы салідарнасці прайшлі ў гарадах Беларусі ў нядзелю

У панядзелак стала вядома пра затрыманне двух членаў прэзідыума савета - палітыка Вольгі Кавальковай і лідара страйкама МТЗ Сяргея Дылеўскага. Прычына іх затрымання пакуль невядомая.

Каардынацыйны савет быў створаны па ініцыятыве кандыдата ў прэзідэнты Святланы Ціханоўскай. Мэты арганізацыі - правядзенне паўторных выбараў, вызваленне палітычных зняволеных і расследавання па фактах гвалту з боку сілавікоў у дачыненні да пратэстуючых.

У склад прэзідыума, апроч Дылеўскага і Кавальковай, уваходзяць экс-дыпламат Павел Латушка, каардынатар штаба Віктара Бабарыкі Марыя Калеснікава, медыятар Лілія Уласава, юрыст Максім Знак і лаўрэат Нобелеўскай прэміі Святлана Алексіевіч.

У ГУУС пацвердзілі факт затрымання

У сталічнай міліцыі пацвердзілі факт затрымання членаў Каардынацыйнага савета беларускай апазіцыі.

"Яны сапраўды затрыманыя, у дачыненні да іх распачаты адміністрацыйны працэс", - паведаміла Sputnik прэс-сакратар ГУУС Мінгарвыканкама Наталля Ганусевіч.

Яна не ўдакладніла, пра які правапарушэнні ідзе гаворка, а таксама не назвала артыкул адміністрацыйнага кодэкса, па якім распачатая справа.

Як паведамляюць СМІ са спасылкай на Каардынацыйны савет, Вольгу Кавалькову і Сяргея Дылеўскага абвінавацілі ў спробе арганізаваць несанкцыянаваны мітынг на МТЗ, хутчэй за ўсё ім выпішуць штраф.

Стужка навiн
0