БДУКМ часова ўзначаліла намеснік міністра культуры Наталля Карчэўская

© SputnikБеларускі дзяржаўны універсітэт культуры і мастацтваў
Беларускі дзяржаўны універсітэт культуры і мастацтваў - Sputnik Беларусь
Падпісацца
У панядзелак Карчэўскую прадставілі калектыву Беларускага дзяржаўнага універсітэта культуры і мастацтваў.

МІНСК, 31 жні - Sputnik. На пасаду часова выконваючага абавязкі рэктара БДУКМ прызначаная першы намеснік міністра культуры Наталля Карчэўская, пра гэта Sputnik распавялі ў прыёмнай універсітэта.

У снежні 2017 г. універсітэт культуры ўзначаліла Аліна Корбут. Напярэдадні стала вядома пра яе звальненне па ініцыятыве наймальніка - Міністэрства культуры.

"Часова выконваць абавязкі рэктара універсітэта культуры будзе Наталля Карчэўская. Сёння яе прадставілі калектыву", - паведамілі Sputnik ў прыёмнай БДУКМ.

Павел Латушка каля ўвахода ў Купалаўскі тэатр - Sputnik Беларусь
Беларусы патрабуюць вярнуць Паўла Латушку ў Купалаўскі тэатр

Наталля Карчэўская нарадзілася ў Мінску. У 1994-м з адзнакай скончыла БДУКМ, пасля чаго засталася працаваць там выкладчыкам. Была першым прарэктарам універсітэта. Два гады таму яе прызначылі на пасаду першага намесніка міністра культуры.

Што з'яўляецца прычынай звальнення Корбут, у дадзены момант Sputnik высветліць не ўдалося.

Адзначым, што да гэтага былі звольненыя дырэктар Нацыянальнага акадэмічнага тэатра ім. Я. Купалы Павел Латушка і дырэктар РНПЦ "Кардыялогія" Аляксандр Мрочак. Абодва выказваліся супраць гвалту сілавікоў на акцыях пратэсту, якія праходзілі адразу пасля выбараў прэзідэнта Беларусі.

 

Стужка навiн
0