Прэзідэнт Беларусі Аляксандр Лукашэнка ў аўторак у ходзе інтэрв'ю з вядомымі расійскімі журналістамі, якое выйдзе ў эфір у сераду, выказаўся аб сваім працяглым знаходжанні ва ўладзе.
"Так, магчыма, я крыху пераседзеў. Магчыма, мяне паказваюць не толькі з тэлевізара, але з праса і чайніка. Так. Але сапраўды толькі я цяпер магу абараніць Беларусь", - працытаваў беларускага лідэра карэспандэнт тэлеканала Яўген Ражкоў.
Ці можа гэта заява, якую адразу падхапілі шматлікія інфармацыйныя рэсурсы, па-новаму адлюстраваць грамадска-палітычны расклад бягучых беларускіх падзеяў? На гэтую тэму разважае суразмоўца радыё Sputnik - вядомы палітычны эксперт Станіслаў Бышок.
"З аднаго боку, выходзяць людзі ў вялікай колькасці, якія кажуць, што прэзідэнт Лукашэнка "пераседзеў". А з другога боку, прэзідэнт Лукашэнка кажа, што пратэстоўцы не правы, але на самой справе сапраўды "пераседзеў", і можа, ёсць сэнс мяняць палітычную рэальнасць і палітычную канфігурацыю", - кажа Бышок.
Як нагадвае палітолаг, яшчэ да выбараў Лукашэнка заяўляў аб неабходнасці змяненняў у Канстытуцыі ў тым, што тычыцца большай адкрытасці улады і перадачы большай колькасці паўнамоцтваў уладам на месцах і парламенту.
"У гэтым сэнсе мы бачым такую станоўчую дынаміку, калі розныя часткі беларускага грамадства кансалідуюцца і, не зважаючы на пэўныя знешнія перашкоды і ціск, тым не менш важная ўнутраная дынаміка, і відавочным чынам і пратэстны грамадства, і дзеючая ўлада зараз згодныя з неабходнасцю рэформаў і неабходнасцю перамоваў, засталося толькі вызначыць, у якім фармаце пройдуць і перамовы, і канстытуцыйныя рэформы, і магчымыя датэрміновыя выбары", - кажа Бышок.
