Крэмль адказаў на словы Ціханоўскай аб гарантыях бяспекі для Лукашэнкі

© Sputnik / Михаил Воскресенский / Перайсці ў медыябанкВід на маскоўскі Крэмль з боку Масквы-ракі
Від на маскоўскі Крэмль з боку Масквы-ракі - Sputnik Беларусь
Падпісацца
Масква лічыць, што прэзідэнт Беларусі не мае патрэбы ні ў якіх гарантыях бяспекі, паколькі з'яўляецца легітымным лідарам рэспублікі.

МІНСК, 16 вер - Sputnik. Дзейнаму прэзідэнту Беларусі Аляксандру Лукашэнку не патрэбныя гарантыі бяспекі ад апазіцыі, пра гэта заявіў прэс-сакратар прэзідэнта Расіі Уладзіміра Пуціна Дзмітрый Пяскоў.

Палац Незалежнасці ў Мінску - Sputnik Беларусь
Лукашэнка назваў міфамі рэвалюцыйную сітуацыю і нелегітымнасць выбараў

Экс-кандыдат у прэзідэнты Беларусі Святлана Ціханоўская заявіла ў адным з інтэрв'ю, што што Аляксандр Лукашэнка атрымае асабістыя гарантыі бяспекі і "нават больш", калі добраахвотна сыдзе з пасады прэзідэнта. У той жа час яна падкрэсліла, што ў вырашэнні гэтага пытання будзе ўлічвацца меркаванне ўсіх грамадзян Беларусі.

У Крамлі не сталі каментаваць гэтую заяву Ціханоўскай. "Мы ніяк не хацелі б на гэта рэагаваць", - цытуе Пяскова РІА "Новости".

Пры гэтым прэс-сакратар Пуціна падкрэсліў, што легітымны кіраўнік Беларусі знаходзіцца ў бяспецы на тэрыторыі рэспублікі. "Не думаю, што ён мае патрэбу ў нейкіх гарантыях бяспекі ў сябе ў краіне. А ў астатнім гэта ўсё ўнутраная справа Беларусі", - сказаў ён.

Стужка навiн
0