Які сёння дзень: 14 лютага 2024 года

© Sputnik / Владимир Сергеев / Перайсці ў медыябанкЯкі сёння дзень: 14 лютага 2024 года
Які сёння дзень: 14 лютага 2024 года - Sputnik Беларусь, 1920, 14.02.2024
Падпісацца
Гэты дзень з'яўляецца сорак пятым па грыгарыянскім календары, таму да канца года застаўся 321 дзень.
Сёння адзначаецца Міжнародны дзень кнігадарэння. Якія яшчэ падзеі адбыліся 14 лютага і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 14 лютага

У 1950 годзе быў падпісаны савецка-кітайскі дагавор аб сяброўстве і ўзаемнай дапамозе.
У 1956 годзе пачаўся XX з’езд КПСС, дзе Мікіта Хрушчоў асудзіў культ асобы Сталіна.

Хто нарадзіўся 14 лютага

1906 год: Мікалай Улашчык, беларускі гісторык і археограф.
1907 год: Алесь Звонак, беларускі паэт.
1913 год: Віталь Цвірка, беларускі жывапісец, народны мастак БССР.
Таксама сёння нарадзіліся рускі кампазітар Аляксандр Даргамыжскі і нямецкі філосаф Макс Хоркхаймер.

14 лютага ў народным календары

Сёння праваслаўныя вернікі шануюць памяць пакутніка Трыфана. У народзе яго называюць Трыфан-перазімнік або Трыфан-мышагон. Гэта звязана з паданнем, згодна з якім у дзяцінстве Трыфан пазбавіў вёску, у якой жыў, ад нашэсця шкоднікаў. Таксама Трыфан мог вылечваць хворых і выганяць бесаў.
У гэты дзень дзяўчыны па птушках варажылі, які ў іх будзе муж. Калі ўбачыць пару сініц – добрым і вясёлым, варон – старэй за яе і жорсткім, сарок – балбатлівы і легкадумны.
Калі на Трыфана доўгія ледзяшы, лён таксама вырасце доўгі. Марозны дзень прадвяшчае познюю і халодную вясну, а снегапад – дажджлівую.
Стужка навiн
0