МІНСК, 8 сак – Sputnik. Беларусь далучыцца да праекта Еўразійскага эканамічнага саюза "Падарожнічаю без COVID-19", адпаведныя палажэнні прадугледжаны ў распараджэнні прэм'ер-міністра рэспублікі Беларусь №44р.
"Міністэрства аховы здароўя вызначыць пералік лабараторый для правядзення даследаванняў на інфекцыю COVID-19 з перадачай вынікаў у сістэму "Падарожнічаю без COVID-19", - сказалі ў прэс-службе Саўміна.
Там таксама адзначылі, што мэта прыняцця гэтага распараджэння - забяспечыць у краіне аказанне людзям, якія перамяшчаюцца па тэрыторыі ЕАЭС на самалётах, паслуг з выкарыстаннем праграмы "Падарожнічаю без COVID-19".
Перадаваць дадзеныя ў сістэму "Падарожнічаю без COVID-19" будзе Нацыянальны цэнтр электронных паслуг ва ўзаемадзеянні з беларускім Міністэрствам аховы здароўя.
Гэтая мабільная платформа была створана Еўразійскім банкам развіцця, яна дазваляе хутка знайсці пералік верыфікаваных лабараторый, здаць тэст на каронавірус, вынікі якога патрапяць у агульную ў ЕАЭС сістэму. Пасля гэтага грамадзянін, які атрымаў адмоўны тэст, зможа бесперашкодна перамяшчацца паветраным транспартам у межах ЕАЭС без лішняй папяровай цяганіны. Спампаваць праграму можна бясплатна на Google Play і App Store.
Чытайце таксама:
- Праграму "Падарожнічаю без COVID-19" зараз можна ўстанавіць на смартфон
- Беларусь і Арменія зменяць правілы рэгістрацыі грамадзян пры паездках
- "Запіс на 2 месяцы наперад, трэба загадзя". Дзе ў Мінску здаць ПЦР-тэст?
