Амаль 100 крымінальных спраў узбуджана па фактах "рэйкавай вайны" ў Беларусі

© Sputnik / Юрий Лашов / Перайсці ў медыябанкЧыгунка
Чыгунка - Sputnik Беларусь, 1920, 26.03.2021
Падпісацца
У суды ўжо накіраваны крымінальныя справы ў дачыненні да 13 абвінавачаных, амаль усе яны ў цяперашні час знаходзяцца пад вартай.

МІНСК, 26 сак – Sputnik. Органы пракуратуры і падраздзяленні Следчага камітэта Беларусі з кастрычніка 2020 года распачалі 97 крымінальных спраў па фактах дэстабілізацыі ўстойлівай работы чыгуначнага транспарту, пра гэта распавяла прэс-служба Генпракуратуры.

З іх большая частка - 92 - класіфікаваны па артыкуле 309 Крымінальнага кодэкса (наўмыснае прывядзенне ў непрыдатнасць транспартнага сродку або шляхоў зносін). Пакаранне па дадзеным артыкуле вар'іруецца ў залежнасці ад шкоды або наступстваў ад штрафу да абмежавання або пазбаўлення волі, максімальны тэрмін можа скласці 15 гадоў.

Чатыры справы - па артыкулах 289 і 290 КК (акт тэрарызму і пагроза яго здзяйснення), адна - па артыкуле 339 КК (хуліганства).

Затрыманне ўдзельнікаў акцыі пратэсту - Sputnik Беларусь, 1920, 17.03.2021
Генеральная пракуратура: па "пратэстных" справах асуджана больш за 400 чалавек

"Названыя злачынствы ўчынены ў мэтах выканання заклікаў, размешчаных у глабальнай сетцы Інтэрнэт, як правіла, у телеграм-каналах", - распавялі ў Генпракуратуры.

Там удакладнілі, што мэтай заклікаў з'яўляецца вывад з ладу прылад і абсталявання чыгункі.

У суды накіраваны крымінальныя справы ў дачыненні да 13 абвінавачаных. Амаль усе іх фігуранты знаходзяцца пад вартай. Па астатніх справах праводзяцца працэсуальныя дзеянні.

Чытайце таксама:

Стужка навiн
0