Які сёння дзень: 29 чэрвеня 2021 года

CC0 / Pixabay / SturmjaegerTobi / Які сёння дзень: 29 чэрвеня 2021 года
Які сёння дзень: 29 чэрвеня 2021 года - Sputnik Беларусь, 1920, 29.06.2021
Гэты дзень з'яўляецца сто васьмідзясятым па грыгарыянскім календары, да канца года засталося 185 дзён.
Якія падзеі адбыліся 29 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 29 чэрвеня

  • У 1440 годзе вялікім князем літоўскім, рускім і жамойцкім абраны Казімір Ягелончык.
  • У 1984 годзе была ўведзена ў эксплуатацыю 1-я лінія Мінскага метрапалітэна.

Хто нарадзіўся 29 чэрвеня

  • 1896 год: Уладзіслаў Казлоўскі, беларускі грамадска-палітычны дзеяч, паэт, публіцыст.
  • 1913 год: Часлаў Будзька, беларускі грамадскі дзеяч, гісторык, настаўнік.
Таксама сёння нарадзіліся французскі пісьменнік і лётчык Антуан дэ Сент-Экзюперы і польскі празаік, драматург, мастак-карыкатурыст Славамір Мрожак.

29 чэрвеня ў народным календары

Сёння праваслаўныя вернікі шануюць памяць трох святых Ціханаў: свяціцеля Ціхана, Ціхана Мядынскага і вялебнага Ціхана Лухоўскага, які нарадзіўся ў Вялікім Княстве Літоўскім.
Святому Ціхану маліліся пра суцішэнне зубнога болю і ацалення іншых хваробаў.
Імя Ціхан перакладаецца са старажытнагрэчаскага як "шчаслівы", але народная этымалогія, зразумела, асацыявала яго са словам "ціхі". У народзе казалі: "На Ціхана птушкі заціхаюць".
Гэта назіранне мае рацыю: птушкі і сапраўды менш спяваюць, таму што занятыя птушанятамі. Працягваюць спяваць толькі зязюлі і салаўі.
Калі ў полі маўчаць конікі, хутка будзе дождж. Чым меньш кроплі дажджу, тым даўжэй ён будзе ісці.
Стужка навiн
0
Спачатку новыяСпачатку старыя
loader
У эфіры
Заголовок открываемого материала