https://bel.sputnik.by/20210715/pyasko-urad-rf-prapratsue-pytann-padtrymk-mnska-na-fone-sanktsyy-1054826713.html

Пяскоў: урад РФ прапрацуе пытанні падтрымкі Мінска на фоне санкцый

Пяскоў: урад РФ прапрацуе пытанні падтрымкі Мінска на фоне санкцый

Sputnik Беларусь

Заходнія краіны ўвялі ў дачыненні да беларускіх улад сектаральныя эканамічныя санкцыі ў адказ на палітычны крызіс, які зацягнуўся ў рэспубліцы пасля... 15.07.2021, Sputnik Беларусь

2021-07-15T15:25+0300

2021-07-15T15:25+0300

2021-07-15T15:25+0300

саюзная дзяржава беларусі і расіі

урад

дзмітрый пяскоў

выбары

мінск

расія

санкцыі

рэспубліка

крызіс

падтрымка

https://cdnn11.img.sputnik.by/img/07e5/04/0d/1047376385_0:138:3142:1905_1920x0_80_0_0_c23760e67bcbdcfed99a87162055fcd7.jpg

МІНСК, 15 ліп – Sputnik. Пасля сустрэчы Уладзіміра Пуціна і Аляксандра Лукашэнкі былі дадзены даручэнні ўраду Расіі аб прапрацоўцы пытанняў падтрымкі Мінска на фоне санкцый, паведаміў журналістам прэс-сакратар прэзідэнта РФ Дзмітрый Пяскоў.Напярэдадні прэс-сакратар беларускага лідэра Наталля Эйсмант распавяла ў эфіры беларускага тэлебачання, што па выніках сустрэчы кіраўнікоў дзяржаў у Санкт-Пецярбургу прыняты рашэнні па некаторых пытаннях.У прыватнасці, Уладзімір Пуцін і Аляксандр Лукашэнка даручылі ўрадам выпрацаваць сумесны план процідзеяння санкцыям.Пра што дамовіліся ў Канстанцінаўскім палацыСустрэча Уладзіміра Пуціна і Аляксандр Лукашэнка доўжылася больш за пяць гадзін, і кіраўнікі дзяржаў дэталёва прайшліся па двухбаковым парадку. Дамовіцца атрымалася па шэрагу надзвычай важных цяпер для Беларусі тэм.Рэспубліка заўсёды падымае рабром пытанне пра цану на расійскі газ, і прэзідэнт Расіі пайшоў насустрач беларускаму калегу. У 2022 годзе кошт расійскага блакітнага паліва захаваецца на цяперашнім узроўні - 128,5 долара за тысячу кубаметраў.Балючай тэмай для Мінска на працягу апошніх гадоў застаецца і падатковы манеўр у нафтавай галіне, які рэалізуецца ў Расіі. Шляхам паступовага зніжэння экспартных пошлін і павышэння падатку на здабычу, цана для беларускіх НПЗ на расійскую нафту стане сусветнай. У Санкт-Пецярбургу было дадзена абяцанне не толькі забяспечыць сыравінай НПЗ у Беларусі, але і выдаць крэдыты.Акрамя гэтага Уладзімір Пуцін і Аляксандр Лукашэнка дасягнулі дамоўленасцей па далейшай уніфікацыі падатковага і мытнага заканадаўства. Гэта фактычна былі апошнія пытанні ва ўзгадненні дарожных карт саюзнага будаўніцтва.Санкцыі супраць БеларусіЧарговыя рэстрыкцыі супраць улад рэспублікі ЗША, ЕС, а таксама Вялікабрытанія і Канада ўвялі сінхронна 21 чэрвеня. У "чорным спісе" ЕС апынуліся 8 прадпрыемстваў і 78 грамадзян, ЗША - 16 фізічных і 5 юрыдычных асоб, Вялікабрытаніі - 11 чалавек і 2 арганізацыі, Канады - 17 фізічных асоб і 5 арганізацый.Пасля чаго ў дадатак да пералічаных абмежавальных мер 25 чэрвеня ўступілі ў сілу сектаральныя эканамічныя санкцыі, якія тычацца гандлю нафтапрадуктамі і калійнымі ўдабрэннямі, вырабленымі ў Беларусі.Затым стала вядома, што Беларусь 28 чэрвеня ўвяла санкцыі ў адказ у дачыненні да ЕС, у тым ліку прыпыніла ўдзел ва "Усходнім партнёрстве" і прыступіла да працэдуры "замарожвання" пагаднення аб рэадмісіі з Бруселем.Чытайце таксама:

мінск

расія

2021

Навіны

ru_BY

урад, дзмітрый пяскоў, выбары, мінск, расія, санкцыі, рэспубліка, крызіс, падтрымка