Пасля выхадных - менш: Мінздароўя прывяло новыя дадзеныя па каронавірусе

© Sputnik / Илья Питалев / Перайсці ў медыябанкМедыцынскія працаўнікі ў палаце шпіталя для лячэння хворых на COVID-19
Медыцынскія працаўнікі ў палаце шпіталя для лячэння хворых на COVID-19 - Sputnik Беларусь, 1920, 19.07.2021
Падпісацца
Прышчэпачная пара ў рэспубліцы ў разгары: больш за 1,22 мільёна чалавек зрабілі першы ўкол ад COVID-19.
МІНСК, 19 ліп – Sputnik. У Беларусі за мінулыя суткі зарэгістравалі 658 новых выпадкаў заражэння каронавірусам, паведамілі ў прэс-службе Міністэрства аховы здароўя.
Ачунялі за гэты ж час 480 чалавек. Ахвярамі інфекцыі сталі 8 чалавек.
У цэлым жа ад пачатку пандэміі выяўлены 435 020 выпадкаў заражэння, вылечыліся ад COVID-19 - 428 682 пацыенты. Памерлі 3 334 чалавекі.
Лабараторыі выканалі 7 101 151 тэст. Зараз у актыўнай фазе лячэння знаходзіцца каля 3 тысяч беларусаў.
У Беларусі ў поўным разгары прышчэпачная кампанія: больш за 1,22 млн беларусаў ужо атрымалі першую дозу антыкавіднай вакцыны, а 757 тысяч - прайшлі поўны курс вакцынацыі.

Вакцынацыя ў Беларусі

У Беларусі для вакцынацыі ад каронавіруса цяпер даступны два прэпараты: кітайскі Vero Cell і расійскі "Спутник V". Прышчапіцца можна ў паліклініцы па месцы жыхарства, у гарадскіх бальніцах і ў дадатковых пунктах вакцынацыі, якія адкрыліся з 25 чэрвеня ў гандлёвых цэнтрах і на рынках.

Бязвіз для замежнікаў

Нагадаем, што 1 ліпеня прэзідэнт Аляксандр Лукашэнка падпісаў указ, якім увёў бязвізавы рэжым для тых замежнікаў, хто хоча зрабіць прышчэпку ў рэспубліцы ад каронавіруса.
Бязвіз пачаў дзейнічаць з 15 ліпеня.
Як паведамляла беларускае Міністэрства аховы здароўя, поўны курс вакцынацыі ад СOVID-19 расійскім прэпаратам "Спутник V" абыдзецца замежным грамадзянам у 130-150 беларускіх рублёў (50-60 долараў).

Адменены каранцін

Міністэрства аховы здароўя таксама адмяніла самаізаляцыю па прыездзе з-за мяжы для тых, хто прайшоў поўны курс вакцынацыі і мае пацвярджаючы сертыфікат.
Таксама ведамства скараціла каранцін да 7 дзён для тых, хто зрабіў проста ПЦР-тэст.
Чытайце таксама:
Міністэрства аховы здароўя забараніла платных пасярэднікаў пры запісе на ПЦР-тэсты
Першы выпадак каронавіруса выявілі ў Алімпійскай вёсцы ў Токіа
Украіна зробіць больш жорсткімі правілы ўезду для беларусаў
Стужка навiн
0