Беларускія ВНУ падымаюць плату за навучанне
© Sputnik / Алексей Мальгавко
/ Падпісацца
Першым аб павышэнні памеру аплаты за навучанне заявіў Беларускі нацыянальны тэхнічны ўніверсітэт. За ім падцягнуўся Беларускі дзяржаўны ўніверсітэт інфарматыкі і радыёэлектронікі.
МІНСК, 29 ліп – Sputnik. Павышэнне цаны на 2021/2022 навучальны год галоўны тэхнічны ВНУ краіны патлумачыў памерам эканамічна абгрунтаваных затрат, неабходных для падрыхтоўкі спецыялістаў.
"У разліку кошту платнага навучання ўлічаны наступныя змены: з 1 студзеня павялічаны памеры базавай стаўкі з 185 рублёў да 195 рублёў і базавай велічыні з 27 рублёў да 29 рублёў. Таксама павялічаны памер мінімальнай заработнай платы з 375 рублёў да 400 рублёў", - тлумачыць БНТУ на сваім сайце.
Новыя цэны будуць уведзены з 1 верасня 2021 года. Кошт аднаго навучальнага года для тых, хто паступае, складзе ад 3 996 рублёў (каля 1 585 долараў) да 4 263 рублёў (1 690 долараў) - у залежнасці ад выбраных факультэта і спецыяльнасці.
А як у іншых?
У БДУІР цэны выраслі як на вочную, так і завочную формы навучання.
Да прыкладу, у новым навучальным годзе на факультэце камп'ютэрных сістэм і сетак цана за першы і другі гады навучання ў параўнанні з мінулым годам узрасла на 350 рублёў і складае 3 900 рублёў (1 546 долараў).
Студэнтам-платнікам вочнай формы навучання факультэта інфармацыйных тэхналогій і кіравання ў мінулым годзе за першы курс трэба было заплаціць 3 550 рублёў, за другі – 3 390. У гэтым годзе кошт вырасце да 3 900 (1 546 долараў) і 3 720 (1 475 долараў) рублёў адпаведна.
У завочнікаў цана навучання на ўсіх факультэтах і па ўсіх спецыяльнасцях узрасла на 70 рублёў. Для першакурснікаў і другакурснікаў яна складзе 1 350 рублёў (535 долараў).
Як растлумачылі Sputnik у ВНУ, цана навучання не змянялася з сакавіка 2020 года. Яна не перавышае росту індэкса цэн спажывецкіх тавараў.
"Пры гэтым у БДУІР дзейнічае гібкі падыход пры аплаце за адукацыйныя паслугі. Студэнтам, якія дасягнулі высокіх паказчыкаў у вучэбнай, навукова-даследчай дзейнасці і грамадскай працы, прадастаўляецца зніжка на аплату навучання, дзейнічае таксама і сістэма растэрміноўкі для студэнтаў, якія апынуліся ў складанай жыццёвай сітуацыі" , - адзначылі ў БДУІР.
Павышэнне цаны за навучанне праанансавалі таксама Беларускі дзяржаўны ўніверсітэт, Беларускі дзяржаўны медыцынскі ўніверсітэт і Беларускі дзяржаўны эканамічны ўніверсітэт.
Новыя расцэнкі за вучобу павінны неўзабаве з'явіцца на сайтах ВНУ.
Згодна з прагнозам
Раней у Мінадукацыі адзначалі, што для тых, хто паступае на першы курс у бягучым годзе, будуць захаваны памеры платы, устаноўленыя да гэтага, і павышаць кошт адукацыі студэнтам-платнікам ў 2021-м не плануецца.
Аднак да гэтага МАРГ публікаваў прагноз па росце коштаў на шэраг тавараў і паслуг на 2021 год. Згодна з дакументам, у трэцім квартале ў Беларусі вышэйшая і сярэдне-спецыяльная адукацыя павінна падаражэць на 10%.
Чытайце таксама:
Больш за трэць беларусаў вучацца ў ВНУ Расіі бясплатна
У Беларусі ў гэтым годзе не будзе павышацца цана на платную адукацыю
Прыёмная кампанія: якія конкурсы ў вядучых ВНУ Беларусі?
