Боевая работа САУ Малка артиллерийских подразделений ЦВО на Авдеевском направлении - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Кіеў чакае ад Мінска тлумачэнняў з-за заяў Лукашэнкі аб Крыме і Данбасе

© Sputnik / Мирослав Ротарь / Перайсці ў медыябанкБудынак Міністэрства замежных спраў Украіны ў Кіеве, архіўнае фота
Будынак Міністэрства замежных спраў Украіны ў Кіеве, архіўнае фота - Sputnik Беларусь, 1920, 10.08.2021
Падпісацца
У беларускага боку таксама запыталі тлумачэнне з нагоды допуску на тэрыторыю краіны пракурораў з Луганску для допыту Рамана Пратасевіча.
МІНСК, 10 жні – Sputnik. МЗС Украіны выклікаў часовага паверанага ў справах Беларусі Кірыла Камышава, каб выказаць пратэст у сувязі заявамі Аляксандра Лукашэнкі аб Крыме і Данбасе, зробленымі падчас "Вялікай размовы", афіцыйны каментарый апублікаваны на сайце ведамства.
Спярша беларускі дыпламат атрымаў перасцярогу ў сувязі з выказваннямі пра Крым. Ва ўкраінскім МЗС запэўнілі, што "падобнымі заявамі ён (прэзідэнт Аляксандр Лукашэнка - Sputnik) парушае міжнародныя абавязацельствы Беларусі па выкананні норм і прынцыпаў міжнароднага права".
Таксама МЗС Украіны запытала тлумачэнне з нагоды допуску ў Беларусь прадстаўнікоў ЛНР, якія хацелі дапытаць апазіцыйнага блогера Рамана Пратасевіча.

"У выпадку пацвярджэння гэта будзе супярэчыць раней атрыманаму ўкраінскім бокам афіцыйнаму адказу ад МЗС Беларусі, у якім гэты факт катэгарычна адмаўляўся", - канстатавалі ў ведамстве.

Заявы Лукашэнкі аб перапраўцы зброі і падрыхтоўцы на Украіне баевікоў для дзеянняў у Беларусі МЗС расцаніла як "безадказныя і далёкія ад рэалій".
"Фэйкам аб знешніх пагрозах дзяржаўнасці Беларусі з боку Украіны і іншых заходніх дзяржаў Аляксандр Лукашэнка спрабуе апраўдаць свае рэпрэсіўныя метады і абмежаванні праў і свабод грамадзян Беларусі", - заявілі ў міністэрстве.

Што Лукашэнка казаў у дачыненні да Украіны на "Вялікай размове"?

На думку кіраўніка дзяржавы, палітычныя адносіны паміж Беларуссю і Украінай зараз знаходзяцца ў самай нізкай кропцы, пра гэта ён заявіў на прэс-канферэнцыі з журналістамі, якая прайшла ў Мінску 9 жніўня.
Беларускі лідар таксама звярнуў асаблівую ўвагу, што калі ўкраінскія ўлады адважацца пры падтрымцы трэціх краін сілавым шляхам ўрэгуляваць праблему з Данбасам і Луганскам, то ён ніколі не будзе на іх баку.
Таксама прэзідэнт назваў умовы, калі Мінск афіцыйна прызнае Крым расійскім: "Калі апошні алігарх у Расіі прызнае Крым расійскім і пачне пастаўляць туды прадукцыю". Лукашэнка падкрэсліў, што ў пытанні прызнання статусу Крыма ў яго "развязаны рукі".
Апроч іншага, кіраўнік дзяржавы заявіў, што ў Мінск прыязджалі прадстаўнікі ЛНР, каб дапытаць апазіцыйнага блогера Рамана Пратасевіча.
"Яны ж (прадстаўнікі ЛНР - Sputnik) прыехалі сюды, яго дапыталі. Я сказаў: "Так, няхай прыязджаюць, калі ёсць пытанні - хай задаюць, але ў Беларусі", - сказаў Лукашэнка.
Паводле яго слоў, ім такая сустрэча была прадастаўлена.
"Прыехалі, дапыталі, растлумачыў усё, яны засталіся задаволенымі гэтай размовай", - адзначыў прэзідэнт.
Чытайце таксама:
Лукашэнка дазволіў прадстаўнікам ЛНР дапытаць Пратасевіча
Лукашэнка распавёў пра чырвоныя лініі ў адносінах з Украінай
"Трэба адрозніваць": кіраўнік МЗС Беларусі выказаўся пра народ і ўладу Украіны
Кіраўнік "Беларускага дома на Украіне" знойдзены мёртвым у Кіеве
"Гуманітарка" ў выглядзе калючага дроту: Украіна вызвалася дапамагчы Літве
Стужка навiн
0