І дажджы, і сонца: якое надвор'е будзе на выхадных

© PexelsХмары на небе
Хмары на небе - Sputnik Беларусь, 1920, 20.08.2021
Падпісацца
Спякоту, якая была ў Беларусі ў ліпені, застаецца толькі згадваць - яе змянілі дажджы і навальніцы, якія не спяшаюцца сыходзіць.
МІНСК, 20 жні - Sputnik. Жоўты ўзровень небяспекі аб'явілі сіноптыкі з-за навальніц на суботу, пра гэта паведамілі ў Белгідрамеце.
Чакаецца, што 21 жніўня будзе воблачнае з праясненнямі надвор'е - яго вызначыць франтальны раздзел, які перамяшчаецца з Заходняй Еўропы.
У цэлым чакаецца воблачнасць з праясненнямі, над большай часткай тэрыторыі краіны пройдуць кароткачасовыя дажджы, месцамі магчымы навальніцы. У начны і ранішні час у асобных раёнах магчымы слабы туман.
Вецер умераны, пры навальніцах - парывісты.
Уначы слупок тэрмометра апусціцца да +9.. +14°С, днём будзе ад +20 да +26°С.
У нядзелю, 22 жніўня, будзе таксама пераменная воблачнасць, аднак у асноўным без ападкаў. Ноччу і раніцай па-ранейшаму слабы туман.
Тэмпература паветра будзе паступова падаць: ноччу чакаецца ад +6 да +13°С, днём халадней за ўсё на поўначы краіны - да +17°С, цяплей за ўсё - у паўднёвай частцы, да +25°С.
З-за навальніц і дажджоў, якія змянілі анамальную спёку ў краіне, сіноптыкі практычна ва ўсе апошнія дні абвяшчаюць штармавыя папярэджанні.
Аднак ёсць і добрыя навіны - зараз зняты ўсе абмежаванні на наведванне лясоў, якія дзейнічалі раней. За грыбамі можна хадзіць ва ўсіх рэгіёнах рэспублікі.
Чытайце таксама:
Усё па грыбы: абмежаванні на наведванне лясоў зняты па ўсёй Беларусі
Насельнікі заапарка ратуюцца ад спёкі пры дапамозе ледзяных "тартоў"
Відэафакт: сурыкаты лашчацца на сонцы ў вулічным вальеры заапарка
Стужка навiн
0