"Бабіна лета" і першыя замаразкі: якое будзе надвор'е ў верасні

© Sputnik / Виктор ТолочкоПарк Перамогі ў Мінску восенню
Парк Перамогі ў Мінску восенню - Sputnik Беларусь, 1920, 30.08.2021
Падпісацца
Каляндарная восень наступіць ужо ў гэтую сераду, а вось астранамічная - праз тры тыдні.
МІНСК, 30 жні – Sputnik. Сярэдняя тэмпература паветра ў верасні складзе +11 ... +13°C, сказаў у эфіры тэлеканала АНТ вядомы сіноптык, вядучы прагнозу надвор'я Дзмітрый Рабаў.
Паводле яго слоў, такі паказчык - у межах сярэдніх шматгадовых значэнняў. Днём будзе цяплей - да +14 ... +19°C, пры дажджах і суцэльнай воблачнасці - на 2-4°C халадней.
Рабаў адзначыў, што "бабіна лета" наступіць у Беларусі ў другой палове верасня і працягнецца, верагодна, да пачатку кастрычніка. Самыя цёплыя дзянькі - да +23 ... +25°C - пацешаць жыхароў поўдня рэспублікі.
Астранамічная восень наступіць 22 верасня. Як паведаміў сіноптык, пачаткам астранамічнай восені лічыцца дата, калі дзень і ноч дзеляць суткі пароўну.
Першыя восеньскія замаразкі могуць прыйсці ў паўночныя раёны Беларусі ў канцы верасня. А на паверхні глебы на большай частцы краіны замаразкі могуць назірацца ўжо ў першай дэкадзе месяца, сказаў Рабаў.
Дажджлівае надвор'е ў верасні будзе ў межах кліматычнай нормы - ад 11 да 15 дзён, заключыў сіноптык.
Чытайце таксама:
Парахавая бочка: навукоўцы папярэдзілі пра катастрофу на Зямлі
Экстрэмальнае надвор'е чакае Еўропу - у гэтым вінаваты Гальфстрым
ААН назвала 2021 год вырашальным для планеты
Стужка навiн
0