Карпянкоў: калі не ўбачым паднятых рук, вораг будзе знішчаны

© Sputnik / Виктор ТолочкоНамеснік міністра ўнутраных спраў - камандуючы ўнутранымі войскамі Мікалай Карпянкоў
Намеснік міністра ўнутраных спраў - камандуючы ўнутранымі войскамі Мікалай Карпянкоў - Sputnik Беларусь, 1920, 30.09.2021
Падпісацца
Намеснік міністра ўнутраных спраў Беларусі пракаменціраваў сітуацыю, звязаную з гібеллю супрацоўніка КДБ.
МІНСК, 30 вер – Sputnik. Адказ праваахоўнікаў на гібель афіцэра КДБ будзе адэкватны, законны і абсалютна паслядоўны. Пра гэта напярэдадні ў эфіры тэлеканала СТБ заявіў намеснік міністра ўнутраных спраў - камандуючы ўнутранымі войскамі Мікалай Карпянкоў.
"Як належыць працаваць спецназу, мы так працаваць і будзем. Ёсць тэрарыст, ёсць адрас, дзе ён знаходзіцца. Пад'ехалі, папярэдзілі. Не адкрылі дзверы - дзверы разбураюцца. Будуць ужыты светлашумавыя гранаты. Супрацоўнікі запусцяць туды сабаку. Зойдзем туды са шчытом. І калі у гэтай сітуацыі мы не ўбачым паднятых рук, вораг будзе знішчаны", - сказаў Карпянкоў.

Трагедыя ў Мінску

У аўторак, 28 верасня, байцы групы "Альфа" праводзілі ў Мінску спецаперацыю па выяўленні і затрыманні людзей, якія маюць дачыненне да тэрарыстычнай і экстрэмісцкай дзейнасці.
На вуліцы Якубоўскага па групе быў адкрыты агонь з паляўнічай стрэльбы. Адзін з супрацоўнікаў КДБ з пазыўным "Нірвана" атрымаў смяротнае раненне. Адваротным агнём стралок быў ліквідаваны.
Прэзідэнт Беларусі Аляксандр Лукашэнка даручыў аказаць падтрымку сям'і загінулага супрацоўніка КДБ. Кіраўнік дзяржавы падкрэсліў, што рэакцыя на тое, што адбылося, будзе імгненнай і самай жорсткай. Беспакараным тое, што здарылася, не застанецца.
Чытайце таксама:
Адкажаце перад законам: Сяргеенка пракаменціраваў забойства афіцэра КДБ
Швед абяцае жорсткія і рашучыя дзеянні ў адказ на гібель супрацоўніка КДБ
"Усе ў шоку!" Пабывалі на месцы перастрэлкі, дзе загінуў супрацоўнік КДБ
Лукашэнка даручыў аказаць падтрымку сям'і загінулага супрацоўніка КДБ
"Гэта не падобна на Беларусь": сенатар Рачкоў аб гібелі супрацоўніка КДБ
Генпракуратура пра смерць Зельцэра: супрацоўнікі КДБ дзейнічалі ў адпаведнасці з законам
Супрацоўнік КДБ застрэлены ў Мінску
Стужка навiн
0